Tímarit lögfræðinga - 01.12.1983, Page 85

beinir fundurinn því til ráðherra að hann beiti sér fyrir breytingu á lögum
um kjarasamninga opinberra starfsmanna þess efnis að launakjör félags-
manna verði ákveðin af kjaradómi.
[tarlegar umræður fóru fram um breytingu á nafni félagsins. Einkum voru
ræddar tillögur um að félagið nefndist Félag umboðsstarfalausra dómara eða
Félag dómara án umboðsstarfa. Þessu máli var frestað til næsta aðalfundar.
Steingrímur Gautur Kristjánsson
SKÝRSLA UM MANNRÉTTÍNDI
Með auglýsingu nr. 10/1979 um aðild að alþjóðasamningum um mannrétt-
indi var tilkynnt, að ísland hefði fullgilt báða mannréttindasáttmála Samein-
uðu þjóðanna frá 1966 og gerst aðili valfrjálsrar bókunar varðandi annan
þeirra. Sáttmálarnir eru birtir með auglýsingunni og kallast á íslensku: Al-
þjóðasamningur um efnahagsleg, félagsleg og menningarleg réttindi og Al-
þjóðasamningur um borgaraleg og stjórnmálaleg réttindi. Getið er fyrirvara,
sem gerðir voru af íslands hálfu.
Vegna aðildar að mannréttindasáttmálunum var samin skýrsla um mann-
réttindi á íslandi og lögð fyrir mannréttindanefnd Sþ. Baldur Möller ráðu-
neytisstjóri fylgdi umræðu um skýrsluna úr hlaði á fundi nefndarinnar 18.
október 1982. Var skýrslan eina umræðuefnið á tveimur nefndarfundum þenn-
an dag og á einum fundi tveim dögum siðar. Auk Baldurs tóku 11 nefndar-
menn til máls og lesin var skrifleg greinargerð frá einum nefndarmanni,
norska fulltrúanum Torkel Opsahl. Fróðlegt er að kynna sér þær spurningar
og athugasemdir, sem ræðumenn settu fram, en margir þeirra koma frá
löndum með allt aðrar menningarhefðir en ríkja i Vestur-Evrópu. Baldur Möll-
er svaraði fyrirspurnum á fundinum 20. október. Um skýrsluna og umræð-
urnar eru frásagnir I þeim ritum Sþ, sem um þetta svið fjalla. Skjalanúmer
skýrslunnar sjálfrar er CCPR/C/10/Add. 4, en skýrslnanna um umræðurnar
CCPR/C/SR. 391,392 og 395.
Þ. V.
RÉTTARFARSÞING í ÞÝSKALANDI
Dagana 12.-17. september 1983 var efnt til alþjóðaþings um réttarfar í
borginni Wurzburg í þýska sambandslýðveldinu. Var það kallað 7. alþjóða-
þingið, og hið næsta á undan var sagt vera þingið í Gent 1977, en frá því
var sagt í TL 1978 bls. 38-39. Eitthvað hefir skoðun manna á tölu fyrri þinga
tekið breytingum, og var það allt skýrt vel og greinilega, þótt ekki verði þær
skýringar endurteknar hér.
Aðalefni Wurzburg-þingsins var Virk réttarvernd og stjórnskipulag. Var þing-
ið vandlega undirbúið og gefin út fyrirfram bók með aðalskýrslum, sem fram
voru lagðar. Útgefandi bókarinnar er Gieseking-Verlag, Bielefeld. Efni bók-
arinnar er þetta:
Stjórnlög og einkamálaréttarfar (Karl Heinz Schwab, Erlangen og Peter
Gottwald, Regensburg).
287