Tímarit lögfræðinga - 01.12.1997, Page 32

tap) einstaklinga sem ekki höfðu tekjureynslu fyrir slys á grundvelli meðaltekna
eða meðaltekna tiltekinna hópa eins og t.d. verkamanna eða iðnaðarmanna.
Enginn grundvallarmunur er því á tillögu okkar um lágmarkstekjuviðmiðun og
eldri reglum.
d) Niðurstaða Alþingis
Eftir miklar umræður varð niðurstaða Alþingis sú, að samþykktar voru
breytingar á skaðabótalögunum sem tóku gildi 1. júlí 1996. Breytingamar eru í
samræmi við tillögur okkar sem meirihluta í fyrri nefndinni. Margfeldisstuðull
6. gr. laganna var hækkaður úr 7,5 í 10 og lágmarkið í 2. mgr. 8. gr. laganna var
lækkað úr 15% í 10%. Breytingarlögin eru nr. 42/1996. f breytingarlögunum er
svohljóðandi bráðabirgðaákvæði:
Dómsmálaráðherra skal skipa nefnd til að vinna að heildarendurskoðun
skaðabótalaga. Sérstaklega skal hugað að skaðabótum fyrir líkamstjón,
meðal annars með hliðsjón af þeim tillögum sem allsherjarnefnd lét vinna
fyrir sig á 120. löggjafarþingi og þeim athugasemdum semfram hafa komið
í nefndinni. Ráðherra skal leggja fyrir Alþingi frumvarp til breytinga á lög-
unum í samræmi við niðurstöður nefndarinnar eigi síðar en í október 1997.
í samræmi við lagaákvæðið skipaði ráðherra nefnd til þess að vinna að
heildarendurskoðun skaðabótalaganna. Nefndin hefur ekki lokið störfum þegar
þessar línur eru skrifaðar í október 1997.
256