Tímarit lögfræðinga - 01.12.1997, Page 95

menn unnið mikið starf að auki við ýmis verkefni á vegum félagsins. Ritari
félagsins Kristján G. Valdimarsson stýrði nefnd sem annaðist undirbúning
árlegs málþings ásamt stjómarmönnunum Helga I. Jónssyni og Ragnhildi
Arnljótsdóttur og framkvæmdastjóra félagsins Brynhildi Flóvenz.
Fjárreiður félagsins hafa verið í höndum Helga I. Jónssonar. Steinunn
Guðbjartsdóttir hefur haldið utan um rekstur Tímarits lögfræðinga. Kristján G.
Valdimarsson sá um ritarastörf og hélt utan um fundargerðir og gestabækur
félagsins.
Ég leyfi mér að þakka öllum stjórnarmönnum mikil og óeigingjörn störf í
þágu félagsins.
Starf félagsins á liðnu ári hefur verið með hefðbundnu sniði. Skal nú vikið
að helstu þáttum í starfsemi félagsins á því starfsári sem nú er að ljúka.
2. Fræðafundir og málþing
Starfsemi Lögfræðingafélags íslands má í meginatriðum skipta í fræðafundi
annars vegar og málþing hins vegar. Fræðafundir em að jafnaði haldnir einu
sinni í mánuði yfir veturinn. Á liðnu starfsári var bryddað upp á þeirri nýbreytni
að halda fræðafundina árla morguns sem morgunverðarfundi og þykir stjórn vel
hafa til tekist, a.m.k. verður ekki annað séð en að þátttaka í fræðafundum
vetrarins hafi verið með ágætum.
Þá hefur félagið um liðlega aldarfjórðungs skeið haldið á hverju hausti
málþing fyrir félagsmenn. Framsögumenn á fræðafundum og málþingum eru
nánast undantekningarlaust lögfræðingar. Þeir taka ávallt fúslega að sér að
halda erindi á fræðafundum eða málþingum þó það krefjist mikils undirbúnings
sem allur er unnin í sjálfboðavinnu. Þetta ber sérstaklega að þakka.
Á starfsárinu voru haldnir átta fræðafundir og málþing, auk þess sem félagið
gekkst fyrir fræðaferð til Bandaríkjanna sem vikið verður að hér á eftir.
1. í framhaldi aðalfundar hinn 24. október 1996 var haldinn í stofu 101 í
Lögbergi fundur um þyngd refsidóma á íslandi. Framsögumenn voru Egill
Stephensen saksóknari, Helgi I. Jónsson héraðsdómari og Páll A. Pálsson hrl.
Fundargestir voru 45.
2. Hinn 28. nóvember 1996 var haldinn í Skála, Hótel Sögu morgunverðar-
fundur um lögfræði á intemetinu. Framsögumaður var Gunnar Thoroddsen hdl.
Fundargestir voru 57.
3. Hinn 12. desember 1996 var haldinn á Scandic Hótel Loftleiðum árlegur
fundur félagsins á jólaföstu. Eins og tvö síðustu ár var fundurinn haldinn í
samvinnu við Lögmannafélag íslands og Dómarafélag íslands. Forseti Alþingis
Ólafur G. Einarsson flutti erindi um störf Alþingis. Fundargestir voru liðlega 70
talsins.
319