Tímarit lögfræðinga - 01.12.1997, Qupperneq 98

4. Fjölskylduskemmtanir
Eins og endranær var árlegur jólafagnaður fyrir börn og bamaböm félags-
manna haldinn í samvinnu við Lögmannafélag íslands. Jólatrésskemmtunin var
haldin 29. desember 1996, fjölsótt að venju.
5. Móttaka fyrir nýútskrifaða lögfræðinga
Hinn 9. maí 1997 gekkst stjómin öðru sinni fyrir móttöku fyrir nýútskrifaða
lögfræðinga. Boðið var þeim sem útskrifuðust úr lagadeild veturinn 1996-1997
ásamt framsögumönnum á fræðafundum og málþingum félagsins á starfsárinu.
Starfsemi félagsins var stuttlega kynnt í þeim tilgangi að fyrstu kynni nýút-
skrifaðra lögfræðinga og Lögfræðingafélags íslands yrðu önnur en móttaka
gíróseðils fyrir árgjaldi. Til móttökunnar mættu liðlega 40 gestir og var hún hin
ánægjulegasta.
6. Skrifstofa Lögfræðingafélags íslands og framkvæmdastjórn
Engar breytingar urðu á skrifstofuaðstöðu og framkvæmdastjóm Lögfræð-
ingafélagsins á liðnu starfsári.
Samkvæmt samningi við Lögmannafélag íslands hefur félagið afnot af skrif-
stofu sem Lögmannafélagið nýtir einnig fyrir Lögmannavakt sína og greiðir
fyrir mjög hóflegt gjald sem jafnframt nær til aðgangs að ljósritunarvél og
öðrum tækjakosti Lögmannafélagsins. Stjórn Lögfræðingafélags íslands kann
Lögmannafélagi íslands bestu þakkir fyrir þá miklu velvild sem félagið hefur
sýnt starfsemi Lögfræðingafélagsins á liðnum árum.
Lögfræðingafélagið hefur haft framkvæmdastjóra í hlutastarfi frá árinu 1988.
Verkefni framkvæmdastjóra eru margvísleg, annars vegar fyrir félagið og hins
vegar fyrir Tímarit lögfræðinga sem Lögfræðingafélagið gefur út.
Lramkvæmdastjóri er á skrifstofu félagsins einn morgun í viku og annast
útgáfu fréttabréfs félagsins sem gefið er út nokkrum sinnum á ári.
Brynhildur Flóvenz lögfræðingur hefur verið framkvæmdastjóri frá byrjun
árs 1995 og annast af stakri prýði þau verkefni sem stjórn felur henni hverju
sinni fyrir félagið og Tímarit lögfræðinga.
7. Tímarit lögfræðinga
Tímarit lögfræðinga kemur úr reglulega fjórum sinnum á ári. Frá árinu 1994
hefur ritstjórn Tímarits lögfræðinga verið í höndum Friðgeirs Björnssonar
dómstjóra. Stjórn félagsins þakkar Friðgeiri vel unnin störf í þágu Tímarits
lögfræðinga og væntir góðs af áframhaldandi samstarfi en Friðgeir hefur fallist
á að halda áfram ritstjórn tímaritsins.
Fjárhagur tímaritsins stendur vel eins og ársreikningar sem lagðir verða fram
hér á eftir bera með sér. Fyrir nokkrum árum var tekin upp sú nýbreytni að
greiða ritlaun fyrir fræðigreinar sem birtast í ritinu skv. nánari ákvörðun
ritstjóra en innan ramma sem stjórn hefur markað. Hefur það fyrirkomulag
322