Tímarit lögfræðinga - 01.04.2003, Blaðsíða 15

tekur ekki aðeins til þess þegar ábyrgðaraðili safnar upplýsingum frá hinum
skráða með viðræðum við hann á fundi, í símtali eða með því að fá hinn skráða
til að fylla út eyðublað. Ætla verður að undir hugtakið „söfnun“ falli einnig
þegar hinn skráði hefur að eigin frumkvæði samband við ábyrgðaraðila og
veitir honum persónuupplýsingar, hvort sem það er í símtali, skriflega eða á
annan hátt og ábyrgðaraðili vinnur síðan á einhvem hátt með upplýsingamar,
s.s. skráir þær eða geymir.6
Þegar upplýsingum er safnað á eyðublað getur ábyrgðaraðili uppfyllt upp-
lýsingaskyldu sína með því að veita lögmæltar upplýsingar á eyðublaðinu. Hið
sama gildir þegar upplýsingar eru fengnar með rafrænum eyðublöðum eða
safnað á annan hátt á heimasíðu ábyrgðaraðila.7
Þegar hinn skráði notar ekki eyðublöð ábyrgðaraðila, t.d. sendir ábyrgðar-
aðila bréf, ber ábyrgðaraðila að uppfylla fræðsluskylda sína án ástæðulausra
tafa.8 9 Eins og nánar verður vikið að í kafla 4.4 getur undanþága frá upplýsinga-
skyldunni þó oft átt við í slíkum tilvikum.
Abyrgðaraðili hefur einvörðungu skyldu til þess að veita hinum skráða
fræðslu skv. 20. gr. einu sinni. Þetta á við enda þótt sambærilegum upplýsingum
verði safnað með reglubundnu millibili frá hinurn skráða, enda hafi hinn skráði
verið upplýstur um það í upphafi. Svo lengi sem upplýsingum er safnað í sam-
ræmi við þær upplýsingar um afmörkun á vinnslunni, sem hinum skráða var
veitt í upphafi, þarf ekki að veita honum frekari upplýsingar skv. 20. gr. pul. Ef
vinnslunni er hins vegar breytt og farið er að vinna með upplýsingar frá hinum
skráða í öðrum og ósamrýmanlegum tilgangi, eða um nýtt mál er að ræða, þarf
að gera hinum skráða viðvart á ný og skýra honum frá þeim atriðum sem talin
eru í 20. gr. pul.
4.2 Gilda einhver formskilyrði um það hvernig upplýsingunum er komið
á framfæri?
Engin formskilyrði gilda um það hvemig koma skal upplýsingum á framfæri
við hinn skráða skv. 20. gr. pul. Þannig er t.d. ekki gerð krafa um að upplýsingar
þær sem veita skal séu settar fram með tilteknum hætti. I athugasemdum við 20.
gr. frumvarps þess, er varð að lögum nr. 77/2000, er tekið fram að vilji ábyrgð-
araðili af hagkvæmnisástæðum veita umrædda fræðslu á stöðluðu formi, og
jafnvel með sjálfvirkum hætti, sé það heimilt að því tilskildu að veitt sé nægi-
lega víðtæk fræðsla.'
6 Sbr. Kristian Korfits Nieisen og Henrik Waaben: Lov om behandling af personoplysninger,
bls. 297-298.
7 Alþt. 2001-2002, A-deild, bls. 4529.
8 Alþt. 2001-2002, A-deild, bls. 4529. í grein 2.1.1. í leiðbeiningum Datatilsynet í Danmörku er
sett fram sú viðmiðun að uppfylla beri almennt viðvörunarskylduna innan 10 daga frá skráningu.
9 Aiþt. 1999-2000, A-deild, bls. 2733.
9