Tímarit lögfræðinga - 01.04.2003, Blaðsíða 103

ekki árgjald á því ári sem þeir ganga í félagið. Ættu tekjur þess því eftir að
hækka á næstu árum vegna fjölgunarinnar. I öðru lagi væri nú lagt til að
breyting verði gerð á innheimtu árgjalda þannig að eingöngu verði um einn
gjalddaga að ræða ár hvert í stað tveggja. Ljóst væri að slík breyting kæmi til
með að spara félaginu mikinn kostnað við innheimtu árgjaldanna. í þriðja lagi
hafi enn frekar verið hert á innheimtu vangreiddra félagsgjalda sem námu um
kr. 6.600.000 um síðustu áramót. Ogreidd félagsgjöld hafi verið sett í lögfræði-
innheimtu sem hafi þegar skilað góðum árangri. Taldi formaðurinn rétt að láta
reyna á hvort þessi atriði dygðu ekki til að rétta af fjárhag félagsins áður en farið
yrði í hækkun félagsgjalda.
Því næst vék formaðurinn að fyrirhuguðum breytingum á lögmanna-
lögunum. Fram kom í máli hans að stjóm lögmannafélagsins hafi farið þess á
leit við dóms- og kirkjumálaráðherra að skipuð yrði nefnd til endurskoðunar á
lögunum. I nefndinni hafi tekið sæti af hálfu félagsins, auk formannsins, þeir
Helgi Birgisson hrl. og Ingimar Ingason, framkvæmdarstjóri félagsins. Nefndin
hafi skilað af sér tillögum um breytingar og frumvarpi til nýrra lögmannalaga
sem ekki hafi unnist tími til að leggja fram á þessu þingi. Fór formaðurinn yfir
helstu tillögur að breytingum á gildandi lögum sem fram koma í frumvarpinu.
Nefndi hann einkum skýrari reglur um hverjir teljist lögmenn, tillögu um
fækkun nefndarmanna í úrskurðamefnd lögmenna úr fimm í þrjá og breytingu
á reglum um öflun hæstaréttarlögmannsréttinda.
Þá gerði formaðurinn að umtalsefni nýja heimasíðu félagsins sem opnuð var
á árinu. Fór hann í stuttu máli yfir helstu atriði sem þar er að finna og vakti
sérstaka athygli á þjónustuskrá síð-
unnar þar sem lögmönnum gefst
kostur á að skráð sérsvið sín.
Enn fremur minntist hann 90 ára
afmælis félagsins sem haldið var upp
á þann 11. desember 2001 í As-
mundarsafni við Sigtún. Þar hafi á
fjórða hundrað gesta mætt og þegið
léttar veitingar. Auk þess gat hann
um að í tilefni afmælisins hafi verið
rituð saga félagsins sem Davíð Þór
Björgvinsson hafi gert. Hafi sagan
verið birt í 4. hefti Tímarits lög-
fræðinga, á heimasíðu félagsins auk
þess sem hún verði sérprentuð í
sjálfstæðu riti.
Þá vék formaðurinn að kjöri heið-
ursfélaga Lögmannafélags Islands.
Lýsti hann reglum um kjör heiðurs-
félga sem settar voru af stjórn félags-
97