Tímarit lögfræðinga - 01.04.2003, Side 91

2. AÐFERÐIR OG GÖGN
Niðurstöðurnar byggja á tveimur símakönnunum sem voru framkvæmdar
fyrir lögregluna í Reykjavík af IM-Gallup, annars vegar í júní og júlí og hins
vegar í október og nóvember 2001. Einnig er unnið með gögn sem byggja á
lauslegri úttekt á fjölda frétta og greina í Morgunblaðinu þar sem fjallað var um
miðborg Reykjavíkur og fréttimar flokkaðar eftir því hvort þær em jákvæðar,
neikvæðar eða hlutlausar.
3. SVARENDUR
í fyrri mælingunni tóku þátt um 1700 einstaklingar á aldrinum 18-80 ára
búsettir innan umdæmis lögreglustjórans í Reykjavík en í seinni athuguninni
voru svarendur alls um 800. Bæði úrtökin endurspegluðu íbúa á fullnægjandi
hátt hvað snertir kyn, aldur og störf og má því fastlega búast við því að svörin
endurspegli þýðið á fullnægjandi hátt enda var svarprósentan fyllilega viðun-
andi í báðum tilvikum.
4. FJÖLMIÐLAUMFJÖLLUN
Leitast var við að leggja mat á fjölmiðlaumfjöllun á þeim tíma er rannsókn-
irnar fóru fram með því að skoða umfjöllun um miðborg Reykjavíkur í gagna-
safni Morgunblaðsins sem er langstærsta dagblað landsins og kemur að heita
má inn á vel flest heimili í landinu. Leitað var eftir leitarorðinu miðborg og sú
umfjöllun sem snéri að miðborg Reykjavíkur var tekin út. Greining á því hvort
umfjöllun væri jákvæð, neikvæð eða hlutlaus byggir nær eingöngu á mati á
fyrirsögnum en nokkrar greinar voru skoðaðar nánar til að meta efni þeirra.
Tekin eru út þrjú tímabil árið 2001. í fyrsta lagi er umfjöllun sem birtist frá
25. maí til 25. júlí skoðuð. I öðru lagi er sú umfjöllun sem átti sér stað frá 26.
júlí til 12. september skoðuð og að lokum umfjöllun frá 13. september til 13.
nóvember.
Hafa verður fyrirvara á þessari greiningu þar sem hér er aðeins um einn
fjölmiðil að ræða. Einnig verður að hafa í huga að fréttir eru á ábyrgð ritstjómar
og því um ákveðið efnisval að ræða og fyrirsagnir eru gjama litaðar af afstöðu
þeirra sem skrifa blaðið. Sú umfjöllun sem fram kemur í gagnasafni Morgun-
blaðsins ætti þó að endurspegla þá umræðu sem ríkjandi er í samfélaginu á
hverjum tíma og gefa þannig vísbendingar um hvað er helst í umræðunni hverju
sinni og hvernig umræðan er.
85