Tímarit lögfræðinga - 01.04.2003, Blaðsíða 94

tengdar neikvæðri umræðu er snýr að afbrotum. Sambærilegt hlutfall var miklu
lægra eða 10% á tímabilinu milli rannsóknanna og 28% þegar seinni rann-
sóknin fór fram. Að sama skapi var eingöngu 8% umfjöllunar um miðborgina
jákvæð þegar fyrri rannsóknin fór fram, 70% á milli rannsókna og 28% þegar
seinni rannsóknin fór fram. Af þessu má sjá, þegar fyrri rannsóknin fór fram, að
umræðan um miðborgina einkenndist að miklu leyti af neikvæðri umræðu
tengdri afbrotum. Síðan virðist hafa dregið úr þeirri umræðu og önnur umræða
komið í bland.
■ 25.05.-25.07. I 26.07-12.9. 13.09-13.11.
Jákvæðar Neikvæð umr. Önnur neikv. Hlutlaus
tengd afbrotum umræða
Mynd 4. Skipting umreeðu í Morgunblaðinu samkvœmt gagnasafni Morgunblaðsins eftir
tímabili og tegund greinar.
6. UMRÆÐA
Niðurstöðumar sýna að öryggiskennd Reykvíkinga í miðborginni jókst
marktækt milli mælinganna tveggja og að fleiri Reykvíkingar sögðust hafa
verið einir á ferli að næturlagi um haustið en um sumarið. Jafnframt kom í ljós
að það dró marktækt úr fjölda þeirra sem töldu ótta við afbrot vera skýringu á
því að þeir fóru ekki einir í miðborgina að næturlagi. Ekki er hægt að skýra
þessa breytingu út frá ólíkri samsetningu úrtaks í rannsóknunum og því líklegt
að aðrir þættir skýri breytinguna. Fjölmiðlaumfjöllunin breyttist talsvert á þessu
tímabili þar sem dró mjög úr neikvæðum fréttum um miðborgina og er ekki
ósennilegt að þessi áherslubreyting hafi haft einhver áhrif á mat fólks á öryggis-
kennd og ótta við afbrot. I júnímánuði var mikil umræða í samfélaginu öllu um
ofbeldisverk í miðborginni og fjölmiðlar beindu kastljósi sínu mjög að þessum
bæjarhluta og meintum miðbæjarvanda. Til að mynda mátti sjá fyrirsagnir eins
og „Horfum upp á harðara samfélag" (Morgunblaðið 12.7.2001), „Vandinn í
miðborginni“ (Morgunblaðið 21.7. 2001) og „Astandið í miðborginni“ (Morgun-
blaðið 13. 7. 2001). Umræðan var þannig á mjög neikvæðum nótum og beindist
88