Tímarit lögfræðinga - 01.04.2003, Page 100

Auk útgáfu Tímarits lögfræðinga gefur lögfræðingafélagið út fréttabréf
félagsins. Fréttabréfið kemur út nokkrum sinnum á ári og þar birtast einkum
tilkynningar til félagsmanna um það sem framundan er í starfsemi félagsins.
Jafnframt er fréttabréfið vettvangur fyrir efni sem lögfræðingar eða aðrir telja
að eigi erindi við fagstétt okkar og er ástæða til þess að hvetja menn til þess að
koma hvers kyns slíku efni á framfæri. Eins og getið hefur verið hér að framan
er nú unnið að útfærslu hugmynda um rafrænt fréttabréf sem gæti hugsanlega
komið oftar út en það prentaða fréttabréf sem gefið hefur verið út á vegum
félagsins í á annan áratug.
Lögfræðingafélagið hefur nú til sölu heildstætt safn allra hefta Tímarits
lögfræðinga sem komið hafa út frá upphafi og hvetur félagsmenn til þess að
nýta sér gildandi tilboð og þar með tækifæri til þess að eignast þessi mikilvægu
gögn sem lögfræðingar nýta í daglegum störfum sínum. Það er von stjórnar-
innar og trú að tilvist rits á borð við Tímarit lögfræðinga sé mikilvæg hvatning
fyrir starfandi lögfræðinga til þess að sinna fræðastörfum.
5. Laganám
Breytingar hafa orðið á skipulagi laganáms á hér á landi. Háskóli Islands
hefur hingað til verið eini háskólinn sem útskrifað hefur lögfræðinga. Nú hafa
háskólamir í Reykjavík og á Akureyri, auk Viðskiptaháskólans á Bifröst, hafið
lagakennslu. A vettvangi Lögfræðingafélags Islands verður sjálfsagt margt rætt
næstu misseri um þessi mál. Einnig er rétt að geta þess að samkvæmt lögum
félagsins eiga allir þeir Islendingar sem lokið hafa embættisprófi í lögfræði rétt
á að verða félagsmenn. Hér þarf væntanlega að huga að breytingum bæði að því
er skilyrði um próf og þjóðemi snertir.
6. Styrktarsjóður rannsókna og starfsmenntunar á sviði lögfræði
Lögfræðingafélagið hefur tekið þátt í undirbúningi að stofnun styrktarsjóðs
fyrir rannsóknir og starfsmenntun á sviði lögfræði. Forsaga málsins er að í bréfi
þáverandi formanns Lögfræðingafélags Islands, Ragnhildar Arnljótsdóttur, til
formanns Hollvinafélags lagadeildar Háskóla Islands, Halldórs Jónatanssonar,
dagsettu 5. desember 2000, kom fram að bæði félögin væru að hugleiða hug-
myndir um styrktarsjóð sem höfðu þá nýlega verið nefndar á vettvangi Lög-
fræðingafélags Islands. Halldór Jónatansson stóð síðan fyrir gerð draga að
stofnskrá fyrir styrktarsjóð rannsókna og starfsmenntunar og eru nýjustu drögin
frá 10. september 2001. Þessi drög fengu jákvæða umfjöllun stjómar Lögfræð-
ingafélags Islands. Afram verður unnið að þessu máli, enda í samræmi við hlut-
verk og tilgang lögfræðingafélagsins
7. Norrænt samstarf
Lögfræðingafélag Islands hefur um árabil tekið virkan þátt í samstarfi á
vettvangi heildarsamtaka lögfræðinga á Norðurlöndum og var haldinn fundur
samtakanna í Skagen í Danmörku í júní á þessu ári. Fundinn sótti Brynhildur
94