Tímarit lögfræðinga - 01.04.2003, Page 104

ins 9. september 1999. Greindi hann frá því að á stjómarfundi þann 6. mars sl.
hafi stjórn félagsins samþykkt samhljóða að kjósa hæstaréttarlögmennina Áma
Guðjónsson og Jón Finnsson heiðursfélaga Lögmannafélags Islands. í samræmi
við reglur félagsins lýsti formaður kjörinu á aðalfundi og óskaði staðfestingar
fundarins á því. Formaðurinn greindi frá ástæðum kjörsins og fór yfir helstu
störf þeirra. Kjör þeirra Áma og Jóns var staðfest af aðalfundi Lögmannafélags
Islands árið 2002 með lófataki og risu fundarmenn úr sætum þeim til heiðurs.
Afhenti formaður kjömum heiðursfélögum skjöl til staðfestingar kjörinu.
Að lokum lýsti formaðurinn því yfir að hann léti af störfum sem formaður
félagsins að eigin ósk frá og með þessum aðalfundi þótt samþykktir félagsins
veittu honum tækifæri til að gefa kost á sér í eitt ár til viðbótar. Kvað formaður-
inn fjögur ár í stjóm félagsins sem varaformaður og formaður hæfilegan starfs-
tíma að hans mati. Árin hafi liðið hratt og veitt honum mikla ánægju enda fátt
skemmtilegra en að starfa með góðum og samstilltum hópi. I lok ræðu sinnar
þakkaði Ásgeir stjómarmönnum farsælt samstarf og starfsmönnum fyrir vel
unnin störf.
Að loknu ávarpi formannsins gerði Ingimar Ingason, framkvæmdastjóri
félagsins, grein fyrir ársreikningi þess og Námssjóðs fyrir árið 2001 en
reikningurinn fylgdi prentaðri skýrslu stjómar. Fjallaði framkvæmdastjórinn
um sameiginlega niðurstöðu reikninga hins lögbundna hluta félagsins og
félagsdeildar þess. Fram kom í máli framkvæmdastjóra að þrátt fyrir hækkun
tekna af árgjöldum til skyldubundna hluta félagsins og flestum öðrum tekju-
póstum á síðasta ári hafi orðið nokkurt tap á rekstrinum og gerði hann grein
fyrir helstu ástæðum þess. í umræðu um reikninga félagsins gerði Jakob R.
Möller hrl. m.a. vanskil félagsgjalda að umtalsefni. Lýsti hann yfir ánægju sinni
með hertar innheimtuaðgerðir félagsins sem formaður þess lýsti í ræðu sinni en
taldi hins vegar ekki nægjanleg úrræði til staðar að óbreyttum lögum. Koma
þyrfti inn ákvæði í lögmannalögin þar sem heimilt yrði að svipta þá lögmenn
réttindum sem starfandi væru án þess að greiða árgjöld til félagsins. Formaður
félagsins svaraði framkominni athugasemd og vakti hann athygli á að í tillögu
að frumvarpi til nýrra lögmannalaga væri að finna ákvæði sem veitti stjóm
lögmannafélagsins heimild til að leggja til við dómsmálaráðherra að svipta lög-
mann réttindum greiddi hann ekki álögð árgjöld.
2. Kosningar
Ásgeir Thoroddsen hrl. gaf ekki kost á sér til endurkjörs til embættis
formanns félagsins. Lögð var fram tillaga um Gunnar Jónsson hrl. í embætti
formanns og var hún samþykkt. Auk Gunnars voru kjömir í aðalstjóm til næstu
tveggja ára þeir Aðalsteinn Jónasson hrl. og Jóhannes Karl Sveinsson hrl. en
auk þeirra sitja áfram í stjóm þau Helgi Jóhannesson hrl. og Lára V. Júlíusdóttir
hrl.
I þriggja manna varastjóm vom kjörin Gunnar Sturluson hrl., Margrét Vala
Kristjánsdóttir hdl. og Ólafur Rafnsson hdl.
98