Hlín - 01.01.1924, Blaðsíða 24

22
Hlln
því auðmeltari, þar eð meltingarsafarnir komast vel inn i
brauðið. Úr þessu er mjög auðvelt að bæta með því að
tyggja vel rúgbrauðið. Fyrir utan hinn mikla verðmun,
hafa rúgbrauðin þann kost að innihalda dýrmæt hollustu-
efni, sem likaminn má ekki án vera; en auk þess bætir
rúgurinn stórum meltinguna með því að örfa hreyfingar
þarmanna og koma lagi á hægðirnar. Fjöldi fólks, sjer-
staklega kvenfólk, þjáist af hægðaleysi, þetta mundi oft
lagast, ef neytt væri meira rúgbrauðs.
Kostnaðarhlið málsins er þannig, að samkv. skýrslum
Hagstofunnar var árið 1921 flutt til landsins: Hveiti, 3372
smálestir kr. 2458000. Rúgmjöl, 3829 smál. kr. 1966000,
Nærri því hálf þriðja miljón fyrir hveiti!
Að vísu fer ekki alt hveitið í brauð og kökur, því
hveitið er notað við ýmislega matargerð. Fjarri fer því,
að bakað sje úr öllu innfluttu rúgmjöli, því talsvert fer
í slátur, og svo er rúgmjöl líka notað sem skepnufóður.
Auk rúgmjölsins voru árið 1921 futtar inn 58 smál. af
ómöluðum rúgi.
íslendingar berja nú mjög lóminn, og telja ýmsir nauð-
syn bera til að hefta innflutning á varningi, sem að vísu
má vera án í bili, en þó til óhagræðis að ýmsu leyti.
Pegar svo kreppir að, virtist ekki úr vegi, að heilbrigðis-
stjórn landsins og löggjafar athuguðu hversu heppilega
er varið þeim miljónum, sem þjóðin greiðir fyrir mjölmat
frá útlöndum, og með hverju móti mætti birgja landið að
nauðsynlegri kornvöru fyrir lægst gjald.
Gunnlaugur Claessen.