Hlín - 01.01.1924, Page 36

34
Hlln
Hjer um bil í miðjum garðinum er stór kringlóttur
grasreitur, hjer á með tímanum að koma gosbrunnur.
Hefir myndhöggvari Einar Jónsson gert teikningu af slík-
um brunni, og kann fjel. honum þakkir fyrir það. En
vegna fjárhagsörðugleika verður ekki hægt að framkvæma
það verk á næstu árum.
Vel ætti og við, að í garðinn kæmi brjóstlíkan af frú
Önnu Schiöth, frá þeim árum sem hún vann að stofnun
og byrjunarrækt garðsins. Hefir það líka komið til mála,
hvað sem um framkvæmdir verður. — En við sjáum nú
hvað setur.*
Skemtigarðar erlendis. Eitt af því marga sem vekur
undrun og aðdáun íslendingsins, þegar hann kemur til
útlanda, eru listigarðarnir. Peir eru víða stór flæmi, og
þar gefur margt að líta. F*ar gnæfa himinhá, laufrík trje,
mörg hundruð ára gömul, þar eru vötn og lækir, gang-
stígar og grænir hólar, fáránlegustu skrautblóma-reitir og
fegurstu myndhöggvaralistaverk í aðdáanlegu samræmi
hvað við annað. — Þar úir og grúir af fólki af öllum
stjettum, ungum og gömlum, ríkum og fátækum, þar eru
foreldrar með börn sín, smá og stór, þar eru hrum gam-
almenni, ærslafullur æskulýður, drembilátir hefðarmenn
og konur, alt til að njóta hins heilnæma útilofts og feg-
urðarinnar í görðunum, — en eitt er sameiginlegt með
öllu þessu fólki, og það er virðingin sem það ber fyrir
garðinum og þeim reglum sem þar eru settar. Snemma
á morgnana eru garðarnir opnaðir, og kl. 11 á kveldin
hringir dyravörðurinn svo heyrist um allan garðinn, og
þá fara allir út, tafarlaust.
Ríkin veita stórfje árlega til reksturs þessara garða.
Langt mun verða í land þangað til íslenska ríkið sje
fært um að veita þegnum sínum þær yndisstundir, sem
slíkir garðar veita. En mjór er mikils vísir, og hver veit
* I garðinum er brjóstlíkan af skáldinu Matthíasi Jochumssyni, er
Akureyrarbúar reistu á 80. afmæli skáldsins.