Hlín - 01.01.1924, Qupperneq 70

68
Hlin
Sitt af hverju.
Vegna þess að vefnaður hefir lítið verið r.ot-
aður hjer í Nauteyrarhreppi um alllangt árabil,
því að hann hefir að mestu dáið út með eldra
fólkinu, þá ákvað U. M. F. >Huld< að efna til vefnaðarnámsskeiðs,
svo að hreppsbúum gæfist kostur á að kynnast þeim iðnaði. En
fjelagið sá, að allmikið starf og fje mundi þurfa til að koma náms-
skeiðinu á, þar sem þetta var byrjunarstarfsemi og flestir ókunnir
þessum málum. Það var því í nokkuð mikið ráðist fyrir fátækt og
fáment fjelag. Af þessari ástæðu kvaddi fjelagið konur hreppsins
til fundar við sig, til að ræða þetta mál, og hjet á þær að Ijá því
Iið sitt. Þær tóku málinu vel og hjetu fjelaginu stuðningi sínum.
Og þær efndu það drengilega, bæði með því að starfa að undir-
búningi námsskeiðsins og með stórmyndarlegum fjárframlögum. Á
fjelagið þeim miklar og góðar þakkir að gjalda fyrir þátttöku þeirra
í þessu máli.
Fjelagið fjekk lánaða vefstóla af ýmsum bæjum, því að það sá
sjer ekki fært, kostnaðarins vegna, að kaupa nýja, sem það áleit
þó mjög ákjósanlegt, þó ekki hefði verið nema um einn nýjan að
ræða. Þessir vefstólar höfðu legið ónotaðir og lítið um þá hirt
mörg ár, og hafa sennilega fáir hugsað, að annað biði þeirra en
alger eyðilegging. En nú voru þeir teknir og rykið þvegið af þeim
og gert við þá eftir því s6m tök voru á, svo hægt yrði að nota þá
á námsskeiðinu. Nokkuð var keypt af nýjum áhöldum, eins og t. d.
vefjar6keiðar, sem nauðsynlegt var að hafa nýjar og fínar, því að
þær, sem fengust lánaðar hjer og þar, voru margar hálfryðgaðar og
nokkuð grófar. — Fjelagið sá um útvegun á erlendu vefjarefni, og
sendi ull fyrir nemendur í klæðaverksmiðjuna >Gefjun<, til að láta
spinna þar, því sjáanlegt var, að ekki ynnist tími til að spinna á
heimilunum fyrir námsskeiðið, því að þau eru flest svo fámenn, að
um spuna í stórum stíl cr varla að ræða. — Námsskeiðið byrjaði
15. febr. síðastl. og var haldið í samkomuhúsinu á Arngerðareyri,
sem Ungmennafjelagið á til helminga á móti hreppnum. Kennari
var Kristbjörg Kristjánsdóttir frá Vegeirsstöðum í Fnjóskadal, —
Nemendur voru 5 stúlkur, sem voru fastir nemendur allan tímann,
og auk þess voru þar 2 konur, eftir því sem heimilisástæður þeirra
* Hjer birtist greinileg skýrsla um vefn.námsk. á Arngerðareyii
veturinn 1923, sem drepið var á í »Hlín< í fyrra.
Úr Norður-
ísafjarðarsýslu.*