Hlín - 01.01.1924, Blaðsíða 78

76
HUn
Laskana á öllum ódýrari vétlingum má vjelprjóna. Peir þurfa að
vera háir (alt að fingurhæð) og fast prjónaðir. Skíðavetlinga (sem ná
upp að olnboga) má líka prjóna í vjel, en prjóna þá fast með hent-
ugri gerð. Litir eftir vild, en haldgóðir þurfa þeir að vera. Mörgum
þykir gaman að hafa smárós með skærum litum í handarbakinu á
einlitum, sljettum vetlingum.
Nœrföt. Par er gert ráð fyrir 3 stærðum handa fullorðnum, 1—2
og 3. Nr. 1 mjög stórt, 2 handa meðalmanni, 3 lítið. Fallegust eru
karlmannsnærföt með sljettu prjóni. Litur bestur gráblár (steinlituð
samkemba). Drengjaföt 3 stæðir, sami litur, langar ermar.
Kvenskyrtur hvítar og grábláar. Ermar: langar, stuttar eða engar.
Peysur með sauðarlit, líka dökkrauðar eða grábláar. — Lagið
þarf að vera gott, samræmi í ermalengd, síddo. þ. 1. — Tvíbandaðar
peysur þykja mesta gersemi sem sportpeysur erlendis.
Treflar 1,35 m. á lengd fyrir utan kögur, breidd 25 cm., líkir á
lit og sokkar og vetl. (sport), mega vera með röndum.
Húfur með líkum litum. Lag og gerð er vandhitt svo vel liki.
Peysur, húfur og trefla má, ef það er nokkuð ullarmikið, ýfa með
því að kemba það varlega með ullarkömbum. Pað verður líkt út-
lendu prjónlesi og þykir mörgum það líta laglega út.
Fata-efni ýmisleg mundu seljast vel utan lands og innan, ef þau
eru vel til höfð og sanngjarnlega dýr. — Það er æskilegt að efnin
sjeu höfð sem breiðust að hægt er, þó eru Norðmenn og Svíar
vanir mjóum vefstólum úr sveitunum. Vefnaður þarf að vera góður
og vel jaðrað. Bæði vaðmál og dúkar, einlitt og sauðarlitað, mundi
geta orðið markaðsvara bæði til klæðnaðar og til húsgagnafóðurs.
- Það sem við mundum kalla grófan svuntudúk þótti erlendis
mjög hentugt í kvenbúninga og telpukjóla. — Gljápressun er ejrki
notuð á heimaunnin efni erlendis, og er því óþarfi að kosta pressun
til á það sem þangað á að fara.
fyrir best gerða sokka, vetlinga og illeppa. —
Fyrir sokkana: 1. viðurkenning 25,00, 2. viður-
kenning 15,00. — Fyrir vetlingana sömu viður-
kenningu. — Fyrir illeppana 10,00 og 6,00. Það gildir einu, hvort
þetta eru karla-, kvenna- eða barnaplögg, handprjónuð eða vjel-
prjónuð. Ffver einstaklingur getur vitanlega aðeins kept um eitt, ef
hann vill. Það verður reynt að selja munina, ef þess er óskað, og
þarf því að fylgja verð, ekki ósanngjarnlega hátt, ef hugsað er til
sölu framvegis. — Munirnir þurfa að vera komnir fyrir sumardaginn
fyrsta 1925. Utanáskrift: »HIín«, Reykjavík. — Vetlinga og illeppa
má senda sem brjef. — Tvöfalt brjef má vera 125 gr. (8 lóð). Best
„Htin" heitir
verðlaunum