Hlín - 01.01.1941, Blaðsíða 47

Hlín
45
sem kunnugt er, fjöldi manna atvinnu sína, og menn
bjuggust við að heimavefnaður mundi algerlega falla
niður, en svo varð þó ekki, hann hjelt sjer altaf á af-
skektum eyjum (sjerstaklega Suðureyjum), og margir
kusu heldur hin mjúku, laust ofnu efni þaðan, heldur
en verksmiðjuefnin, sjerstaklega þóttu þessi efni hent-
ug í ferðaföt, því þau hjeldu sjer, hvernig sem með
þau var farið.
Um og eftir heimsstyrjöldina hafa þessi efni verið
sjerstaklega mikils metin, og Skotar framleiða nú firn-
in öll af þessum fataefnum (Tweed eru þau kölluð), og
eru frægir fyrir. — Margar fjölskyldur stunda þennan
atvinnuveg ásamt fjárræktinni, drengirnir byrja með
því að vera smalar, þá meðhjálparar við vefnaðinn og
loks meðeigendur framleiðslunnar og eigendur.
Ullin, sem notuð er í þessi heimskunnu efni er af
cheviotfje svonefndu, en sá fjárstofn er mest ræktaður
í Skotlandi. Fjár- og ullarfræðin er fyrir löngu orðin
vísindagrein í þessum löndum, samvinna um fram-
leiðsluna og vinnan öll nákvæmlega stunduð, svo ekk-
ert ber út af. — Fóðrunin, húsin og meðferð öll eftir
kúnstarinnar reglum. — Eitthvað er bogið við fóðrun-
ina, segja þeir, ef mikið er af flókum í ullinni og það
þarf að búa svo um að ekki verði mikið af rusli \
henni. — Mikil nákvæmni er höfð um flokkun ullar-
innar, um þvottinn, um geymsluna o. s. frv. — Flestir
kaupa ullina á skepnunum og senda sína menn, sem til
þess hafa lært, til að klippa fjeð og flokka ullina um
leið. Sagt er að þeir þurfi 6'ára æfingu, þessir klipp-
arar, til þess að verða fljótir og gera verkið óaðfinnan-
lega.*
*) I Ástralíu er sagt að um 30 þúsund manns hafi aðalatvinnu
af að klippa fje og flokka ullina um leið. Þeir ná svo mikilli
leikni við þetta starf, að þeir klippa alt að því 200 fjár á dag.