Uppeldi og menntun - 01.07.2008, Qupperneq 109

109
AUðUR PÁlSdÓTT I R
umfjöllun hefði t.d. getað falist í að tengja stefnu menntayfirvalda við kenningar og
viðmið eða í því að greina úttektir á vegum menntamálaráðuneytisins undanfarin ár á
sjálfsmatsaðferðum leik-, grunn- og framhaldsskóla með gleraugum leiðsagnarmats.
Höfundur setti sér fjögur markmið með bókinni. Þau voru að skrifa kennsluefni
sem hentaði vel í námskeiðum sem höfundur hefur kennt um matsfræði, að skrifa bók
sem nýttist sjálfsmatsteymum í íslenskum skólum, skrifa handbók fyrir matsaðila og
síðast en ekki síst að skrifa um þetta viðfangsefni á íslensku.
út er komin handbók á íslensku sem hefði sannarlega komið sér vel þegar ég vann
með matsteymi grunnskóla að því að móta mat á skólastarfi. Þá er bókin þannig úr
garði gerð að matsaðilar geta notað hana sem eins konar kompás, t.d. við að velja
matsnálgun eða viðmið. Hvort bókin nýtist höfundi sem það kennsluefni sem lagt var
upp með get ég hins vegar ekki dæmt um.
Loks skal geta þess að bókin er rituð á lipru máli og eykur það enn notagildi hennar
og gerir hana aðgengilegri íslenskum lesendum.
Um höfund
Auður Pálsdóttir (audurp@hi.is) er aðjunkt við menntavísindasvið Háskóla íslands.
Hún lauk B.Sc.-prófi í landafræði frá Háskóla íslands 1991, B.Ed.-prófi frá Kennarahá-
skóla íslands 1993 og M.Ed.-prófi frá University of aberdeen 1996. Rannsóknir henn-
ar eru á sviði náttúrufræðimenntunar og sjálfsmats í skólastarfi.