Morgunn - 01.06.1942, Qupperneq 9

M O R G U N N
3
sem starfa hinum megin tjaldsins, er sá, að álitlegur
hópur vísindamanna, sem áður höfðu hlotið hermsfrœgð
fyrir afrek sín á öðrum sviðum vísindanna, hafa lýst yfir
hví, að líf mannsins eftir líkamsdauðann væri sannað
mál og að sannanirnar nægðu þeim kröfum, sem gerðar
væri um annað það, sem talið væri vísindalega sannað.
En í þessu sambandi verður aftur það sérstaklega eftir-
tektar vert, að þessir vísindamenn gengu ekki að eins
fullir efasemda að rannsóknunum, heldur margir þeirra
blátt áfram til að sanna, að hinar ,,ímynduðu“ sannanir
væru hégómi og miðlarnir annað hvort á valdi sjálfráðra
eða ósjálfráðra blekkinga. En staðreyndirnar voru svo
ótvíræðar, sönnunargögnin reyndust svo sterk, að þegar
vísindamennirnir voru búnir að kynnast þeim, gengu þeir
fram fyrir opna skjöldu og lýstu yfir því, að framhalds-
lífið væri sannað, og þeir lögðu vísindaheiður sinn
að veði fyrir þeirri staðhæfing.
Hvað hefir sannazt?
Hér skal þess freistað, að gefa stutt yfirlit yfir í
hverju þessar sannanir eru fólgnar, hvers vegna menn
telja sig nú vita með skýlausri vissu, að látinn lifir, og
hverjum aðferðum hinir framliðnu hafa beitt til að sann-
færa oss. En þegar maður kynnist staðreyndunum verð-
ur örðugt að verjast þeirri tilhugsun, að þeirra skerfur
sé langsamlega miklu meiri en hinna jarðnesku rann-
sóknamanna, þótt mikill sje.
SANNANIR AF DRAUMUM.
Af öllum sálrænum fyrirbrigðum munu draumar al-
gengastir, þótt mikill meiri hluti þeirra sé einskis virði,
sem vísindaleg sönnunargögn fyrir framhaldslífinu. En
fyrir kemur það eigi að síður ósjaldan, að þeir bendi til
ótvíræðrar starfsemi sálarinnar, sem óháð sé líkaman-
um. Merkilegt er í því sambandi dæmið af blindfæddri
konu, sem iðulega sá í draumum sínum hluti, sem hún
]ýsti eins nákvæmlega og alsjáandi maður hefði gert.
1*