Morgunn - 01.06.1942, Blaðsíða 26

20
MORGUNN
þess, hvílíkar sannanir eru oft í hinum sálrænu ljós-
myndum fólgnar, fyrir framhaldslífinu.
,,Fyrir nokkrum árum sagði Ruthven Macdonald í
Toronto, frægur baryton-söngvari, méffrá því, hvernig
hann gerðist sannfærður spiritisti. Þótt hann væri metod-
istatrúar hafði hann tekið tilboði um að syngja á spirit-
ista-þingi í Lilydale. Hann var sannfærður um, að allir
miðlar væru svikarar en datt nú í hug að reyna þá, sér
til dægrastyttingar úr því hann var nú þarna kominn á
annað borð, þar sem margir miðlar voru saman komnir.
M. a. fór hann til ljósmyndamiðils, sem honum var með
öllu ókunnugur. Þegar búið var að framkalla fyrstu
plötuna, bað ljósmyndamiðillinn um leyfi til að fá að
takia af honum aðra mynd, með því að þessi væri ófull-
nægjandi. Macdonald bað um að mega sjá plötuna en
miðillinn færðist undan og kvaðst ætla að eyðileggja
hana. Macdonald sat við sinn keip og þegar hann fékk
að sjá myndina, sá hann sér til botnlausrar undrunar
greinilega mynd af móður sinni standa á bak við sig á
myndinni. Móðir hans hélt hendinni á lofti, en á henni
voru tveir þumalfingur! Þetta hafði ljósmyndaranum
íundizt óviðfeldið og raunar ótækt með öllu og vildi því
eyðileggja plötuna, en söngvarinn hrópaði: „Eyðileggja
hana! Ég held nú ekki! Þetta er móðir mín, hún hafði
tvo þumalfingur á annarri höndinni“. Macdonald gerð-
ist síðan öflugur boðberi spiritismans og varð mörgum
spiritistafélögum til mikillar hjálpar, með bví að halda
hljómleika til ágóða fyrir þau, þegar erfitt varð um f jár-
haginn.
Þó er annað enn furðulegra um þessi efni, en það er,
að ýmsar dularfullar myndir og áletranir með auðþekkj-
anlegri rithönd framliðinna manna, og stundum langar
orðsendingar frá þeim, koma á ljósmyndaplötur í lok-
uðum pakka, sem miðillinn hefir að eins haldið stund-
arkorn milli handa sinna en aldrei opnað hvað þá látið
í vélina. Og þótt margar plötur séu í sama pakkanum,