Morgunn - 01.06.1960, Blaðsíða 10

4
MORGUNN
til þes að benda lesendum MORGUNS á það, að í þessari
bók má kynnast lífsskoðun Einars H. Kvarans, og hvernig
hann ver hana í ritvellinum. Honum gafst hér kærkomið
tækifæri til að gera grein fyrir lífsskoðun sinni, skoðun
sinni á lífi og listum. Þess vegna geymir þessi bók margt
af því, sem hann vildi sízt láta niður falla að segja þjóð
sinni. Skiptar verða að sjálfsögðu skoðanir manna enn
um viðhorf þessara tveggja ágætismanna. En lesendum
verður mikill ávinningur að lesa þessa bók, bæði þeim,
sem með ritdeilunni fylgdust á sinni tíð, og kynslóðinni,
sem síðan er vaxin úr grasi.
í bókaflóðinu fyrir jólin hverfa mönnum margar góðar
bækur, vegna þess að þeir komast ekki yfir að kaupa allt
og lesa, sem út kemur. Þó mun hið fagra predikanasafn
„.. ... Ásmundar Guðmundssonar biskups naumast
roffur bok
hafa farið fram hjá þeim, sem vilja lesa hið
bezta í þeirri grein bókmennta. Allir beztu rithöfundar-
eiginleikar höfundar njóta sín í þessu safni: Lærdómur
hans í guðfræði, hin ljósa framsetning á óvenju fögru
máli, fáguð vandvirkni og skáldlegar myndir víða. Ég
get naumast hugsað mér annað en að lesandinn nemi víða
staðar í lestrinum við hina tæra, fögru íslenzku, sem
biskupinn ritar, íslenzkt gullaldarmál í nútímabúningi,
en tilgerðarlaust með öllu og hógvært.
Ásmundur biskup nefnir þetta predikanasafn sama
nafni og hið fyrra, er miklar vinsældir hlaut: Frá heimi
fagnaðarerindisins. Með því vill hann leggja áherzlu á.
að kristindómurinn er fagnaðarerindi. Guðsbamagleðin,
hið glaða trúartraust, bjartsýnin, — þetta talar til les-
andans svo að segja á hverri blaðsíðu bókarinnar. f Nýárs-
predikun, sem höf. nefnir: Það sem grær, — segir hann:
„Og bjartsýni trúarinnar grær. Boðskapur Jesú var
og er fagnaðarerindi. Þegar hann mælti: Guðsríki er ná-
, . lægt, — þá brosti sólskin í hlíðum Galíleu-
fjalla og Genesaret ljómaði eins og gull-
strengja harpa. Gleði gagntók menn yfir Guði og yfir