Morgunn - 01.06.1960, Blaðsíða 85
MORGUNN
79
hjálpar í vandamálum sínum á þessu sviði. Bók Weather-
heads er leiðarvísir lærðs manns, sem þekkir vandamál
sálarlífsins af samskiptum sínum við geysi fjölda manna,
sem til hans hafa leitað með þau vandamál. Mörgum
hefir honum auðnazt að veita dýrmæta hjálp. Og af lind-
um mikillar reynslu eys hann, þegar hann ritar þessa bók.
En víðkunnur prófesor í læknisfræði við háskólann í Leeds
ritar formálsorð og bendir þar á, hve varleg verði með
þesi efni að fara, og hve vel Weatherhead hafi leyst þann
vanda.
Fyrsti kaflinn er um sálarlegar og trúarlegar lækn-
ingar. Þá kemur annar kaflinn og er hann um túlkanir á
draumum, en því efni hefði samt þurft að gera betri og
víðtækari skil, einkum sambandi draumanna og undir-
vitundarinnar, og þeim draumum, sem ekki verða settir
í samband við þekkingu og vitneskju undirvitundarinnar.
Þá kemur kafli um gildi sjálfsefjunar, ritaður af lær-
dómi og eru þar mörg skýr og sannfærandi dæmi. í fram-
haldi af þeim kafla kemur kafli um gildi þess að játa
syndir sínar, og sálfræðileg skýring, snjöll og viturleg,
á þeim læknisdómi, sem það getur verið sjúkri sál að játa
yfirsjónir sínar, bæði Guði og mönnum. Einnig hér eru
mörg dæmi tekin til þess að skýra málið og hjálpa mönn-
um á þessum leiðum. Þá kemur næsti kaflinn og er um
hvatir vorar og útskýrt, hvernig þær stjórna athöfnum
vorum og daglegum viðbrögðum, sem tíðum eru af allt
öðrum rótum runnin en vér ætlum.
Þá kemur mjög athyglisverður kafli um dáleiðsluna og
gildi hennar. f sálgæzlustai’fi sínu í stórum verkahring
og víðtæku prestsstarfi hefir Weatherhead notað dáleiðslu
og oft með merkilegum árangri. Hann segir reynslu sína
í þessum efnum, hvernig unnt sé að nota dáleiðsluna til
hjálpar mönnum, sem komizt hafa í ógöngur með sálarlíf
sitt. Hann lýsir dáleiðslunni, hinum ýmsum stigum henn-
ar, takmörkunum hennar og miklum möguleikum. Um
þetta efni hefir oft verið farið óhreinum höndum og gá-