Morgunn - 01.06.1960, Blaðsíða 51

MORGUNN
45
svefnkennslu .... og meginvandamálið sé það, að ákveða,
hvað sé raunverulegur svefn“.
Samt er það staðreynd, að í síðari heimsstyrjöldinni
voru tilraunir gerðar með það í ameríska hernum, að
bæta við dagkennsluna í tungumálum fræðslu til manna,
meðan þeir sváfu, og tilraunirnar sýnast hafa borið full-
nægjandi, sannfærandi árangur. Eftir síðustu heimsstyrj-
öld hafa fyrirtæki í Bandaríkjunum og víðar selt mikinn
fjölda af litlum hátölurum í koddum, svæflum, sjálfstill-
andi senditækjum og stálþráðum, til hjálpar leikurum, til
þess að flýta fyrir þeim að læra hlutverk sín, og handa
predikurum og stjórnmálamönnum, sem vildu sýna á
fundum yfirburði, sem þeir voru annars ekki gæddir, í
ræðumennsku, og handa námsmönnum, sem voru að búa
sig undir próf. Og að lokum, og með mestum árangri,
hefir mikill f jöldi þessara sefjunartækja verið seldur fólki,
sem er óánægt með sjálft sig og langar til að láta sefjast
til að verða eitthvað annað en það er. Þá velur fólk sjálft
hin sefjandi orð, þau eru tekin upp á segluband, og síðan
hlusta menn á þau, aftur og aftur, aftur og aftur í vöku
og svefni. Einnig eiga menn þess kost, að kaupa segul-
bönd, sem aðrir menn hafa lesið inn á margskonar góðar
og gagnlegar ráðleggingar, t. d. ráðleggingar um það,
hvernig unnt sé að ná fullkominni hvíld, hvernig maður
geti öðlazt meira sjálfstraust ,og hvernig maður geti
aukið persónutöfra sina og orðið meira aðlaðandi fyrir
aðra menn. Mest hefir reynzt sala á segulböndum, sem
eiga með sefjun að hjálpa fólki til að koma samræmi á
ástalíf sitt og til að megra sig. Vitnisburðir fjölda fólks,
sem reynt hefir þessar aðferðir, sýnist leiða í ljós raun-
verulegan árangur. Konur skrifa, að þeim hafi tekizt
með hjálp þessara sefjunaráhrifa, að megra sig. Hjón,
sem voru komin að skilnaði, skrifa, að þau hafi öðlast
samræmi í ástalífi sínu og búi nú hamingjusöm saman.
1 þessu sambandi er mjög athyglisverð grein, sem Theo-