Morgunn - 01.06.1961, Side 42

36
M 0 R G U N N
istar kalla það astralefni. Price bendir á, að við sköpum
okkur ýmsar hugmyndir, sem geymast í undirvitundinni
og hægt er að kalla fram þaðan, eða þær skjótast sjálf-
krafa upp á yfirborðið, En ef þessar hugmyndir gætu nú
lifað sjálfstæðu lífi utan hugskots höfundar síns, meira að
segja eftir dauða hans, mótast í astralefnið eða hvað við
nú köllum það, jafnvel gerzt sýnilegar og framleitt fysiska
orku? Með því væri fengin skýring á ýmsum reimleika-
fyrirbrigðum. Þetta gæti farið nokkuð eftir því andlega
loftslagi, sem er ríkjandi. Þar sem menn eru vantrúaðir
á slíka hluti, hafa þá „andhugmynd“, að þetta geti ekki
átt sér stað, þá ætti hugmyndin og „andhugmyndin“ að
eyða hvor annarri, m. ö. o. ekkert að bera við, en þar sem
trú á fyrirbrigðið er almenn og sterk, ætti það að magn-
ast. Manni dettur í hug í þessu sambandi draugamir
okkar íslenzku, uppvakningarnir, sem gengu ljósum logum
og entust í níunda lið, meðan trúin á þá var ríkjandi. Ef
þetta væri rétt, ættum við að geta mætt Bjarti í Sumar-
húsum eða Grasa-Guddu hálf-materialiseruðum uppi á
heiðum í gangnaferðum á haustin.
Prófessor Price bendir ennfremur á, að væri þessi til-
gáta rétt, þá sé hugsun mannsins hættulegur hlutur. Þetta
er í samræmi við þjóðtrúna um álög, sem fylgja bölbæn-
um, og góðar heillaóskir, sem sumir okkar eru nógu hjá-
trúarfullir til að kjósa frekar en hitt. Víst er um það,
að mörg hugmynd, sem fæðst hefur hið innra með skáldi,
hugsuði eða vísindamanni, hefur orðið að virkileika, stund-
um illum og örlagaþrungnum virkileika. Það eru ekki orð-
in, sem eru til alls fyrst, heldur hugmyndirnar.
Góðir áheyrendur!
Ég hef gefið hér yfirlit yfir það, sem ég veit um það
nýjasta á sviði sálarrannsókna og stuðst þar aðallega við
bók, sem kom út í hitteðfyrra og heitir: „The Sixth Sense
— An Inquiry into Extra-Sensory Perception“, eftir Rosa-
lind Heywood. Hinir nýrri rannsóknarar virðast yfirleitt
tregari til að fallast á hina spíritistisku skýringu en hinir