Morgunn - 01.06.1961, Side 57

MORGUNN
51
að gera ráð fyrir því, að dulvitund miðilsins geti farið
hvert á land, sem hún vill, og sogið vitneskju úr hvaða
mannshuga, sem henni þóknast. Að gefa mannshuganum
slíka hlutdeild í alvizku sjálfs Guðs, er fráleitt og óvís-
indalegt með öllu.
Tíu ára gamall drengur, Bobbie Newlove að nafni, hafði
andazt úr barnaveiki. Fósturfaðir drengsins, Herbert
Hatch í Nelson í Lankasterhéraði hafði skömmu áður lesið
bók um spíi'itisma eftir hinn víðkunna prest og spíritista,
Drayton Thomas. I harmi sínum skrifaði Hatch prestin-
um á þessa leið: „.. Missir okkar er svo ægilegur, að við
finnum okkur knúin til að leita til yðar eftir því, hvort
möguleikar séu nokkrir á því, að við gætum öðlazt aðra
eins huggun í harmi okkar og þá, sem þér getið um í bók
yðar.... Ég játa það, að vegna menntunar minnar og
uppeldis er ég ákaflega vantrúaður á þetta mál.“
Séra Drayton Thomas ákvað að freista þess, að ná
sliku sambandi við Bobbie litla látinn, er nægt gæti til að
sannfæra fjölskyldu hans um, að hann væri enn á lífi.
Hann áleit að ef hann, sem sjálfur vissi sama og ekkert
um þennan látna dreng, gæti náð sannfærandi orðsending-
um frá honum til fósturforeldra hans, gæti fósturfaðir
hans naumast afgreitt málið með því, að um fjarhrif gæti
verið að ræða. Ekkert væri hægt að lesa úr huga sínum
um þennan ókunna dreng.
I bréfi sínu til séra Dr. Thomas forðaðist hr. Hatch að
gefa nokkrar minnstu upplýsingar um Bobbie litla. Prest-
urinn leitaði til miðils, eða miðla, og hann fékk sterk sönn-
unargögn frá látna drengnum, og segir hann frá þeim í
bók sinni: Furðuleg tilraun (An Amazing Experiment).
Aðferð prestsins var þessi:
Hann bað fyrst Guð um leiðsögn. Þá bað hann þess, að
framliðnum vinum sínum mætti takast að ná til drengsins
í andaheiminum og fara með hann á fund, sem hann átti