Morgunn - 01.06.1965, Blaðsíða 75
Frú Dixon og spádómar hennar
☆
Vestur í Bandaríkjunum er kona nokkur að nafni Jeane
Dixon, sem segja má að vakið hafi alheimsathygli fyrir gáf-
ur sínar í þær áttir að finna á sér og segja fyrir óorðna hluti.
Kona þessi er stórauðug og gift einum af auðjöfrum Banda-
ríkjanna. Hún hefur því hvorki þörf á né heldur löngun til
að nota gáfu sína sér til fjáröflunar á nokkurn hátt. Senni-
lega er það meðal annars þess vegna, að ef hún sér eitthvað
fyrir á annað borð, segir hún frá því blátt áfram og hrein-
skilnislega, svo að ekki verður um villst, hvað fyrir henni
vakir. Forspár hennar eru skýrar og ótvíræðar, og hún hikar
ekki við að taka á sig þá áhættu, sem því mundi fylgja, ef
spár hennar reyndust markleysa. Hún er jafnan öldungis
viss sinni sök.
Ekki er mér kunnugt um hvort kona þessi, sem nú er
orðin nokkuð við aldur, hefur haft gáfu þessa allt frá æsku-
dögum, né heldur, hvort slíkir hæfileikar hafi verið í ætt
hennar. En víst er það, að meira en tuttugu ár eru liðin síðan
að verulega tók að bera á hæfileika hennar. Hún er talin
vera trúrækin kona, sem þakkar Guði gáfu sína og telur sig
jafnvel vera verkfæri í hans hendi til þess að vara við að-
steðjandi hættum og háska, ef verða mætti, að unnt yrði að
koma í veg fyrir slíka atburði.
Einu sinni bjargaði hún lífi eiginmanns sins með því að
sjá fyrir flugslys. Hann var í þann veginn að leggja af stað
með flugvél til Californiu. Þá segir kona hans allt í einu:
„Gerðu það fyrir mig, að fara ekki með þessari vél, því ég
sé hana standa í Ijósum loga.“ Enda þótt maðurinn legði ekki
fullan trúnað á forvizku hennar, lét hann það þó eftir henni
að fresta ferðinni. En af flugvélinni er það að segja, að hún