Morgunn - 01.06.1965, Blaðsíða 46

40
MORGUNN
sem menn almennt viðurkenna sem óræka þekking. Og nú
er svo komið, að við f jölmarga háskóla víðs vegar um heim
eru rannsóknir dulhæfileika mannssálarinnar og allra teg-
unda dulrænna fyrirbæra stundaðar með síauknum áhuga
af hinum færustu og ágætustu vísindamönnum, og árlega
þess varið stórfé, enda þótt þar sé þörf enn meiri átaka. Þess-
ar rannsóknir hafa að vísu hlotið annað nafn en áður, og eru
kenndar við dulsálarfræði eða Parapsychology, en verkefnið
er í rauninni hið sama.
Þetta sýnir, að vísindi nútímans eru engan veginn þeirrar
skoðunar, að þessi mál liggi utan þess sviðs, sem vísindaleg
þekking geti eða eigi að ná til. Hef ég og satt að segja
aldrei séð nein skynsamleg rök færð fyrir því að þekking á
þessum sviðum sé ófáanleg eða jafnvel beinlínis syndsamleg
og bönnuð.
Árangurinn af þessum rannsóknum hefur þegar orðið
mikill og gefur góðar vonir um framtíðina. Meðal annars
hefur tekizt að sanna svo að ekki verður um deilt, að hin
svonefndu fjarhrif (telepathy) í mörgum myndum eiga sér
stað, þar sem hugsanir og ýmis konar vitneskja berst mönn-
um eftir öðrum leiðum en venjulegri skynjun skynfæra lík-
amans. Einnig hefur verið sýnt með sterkum rökum og ná-
kvæmum tilraunum, að sál eða andi mannsins getur í þessu
lífi starfað sjálfstætt og óháð líkamanum og jafnvel einnig
tíma og rúmi, þegar rétt skilyrði eru fyrir hendi. Hefur þar
og mjög margt komið í ljós, sem bæði beint og óbeint ein-
dregið bendir til framhaldslífs og sambands við þá, sem farn-
ir eru af þessum heimi.
1 nýlega útkominni bók um þessi efni eftir dr. Luisu Rhine,
sem um mörg undanfarin ár hefur ötullega unnið að þessum
rannsóknum með manni sínum dr. Rhine í rannsóknarstofn-
un Duke háskólans, vill frúin að vísu ekki fullyrða neitt um
það, að nægilega sterkar vísindalegar sannanir séu þegar
fengnar fyrir framhaldslífi og sambandinu að handan, en
hún er hins vegar bjartsýn á, að þetta muni takast áður en
langir tímar líða. Hún segir meðal annars: