Morgunn - 01.12.1975, Page 55

BHAGAVAD GITA
157
að þetta megi takast svo að nægi til að þann er les megi fýsa
að kanna frekar þetta leiftrandi vizkuljós, sjálf ljóðin óstytt.
— Þá munu og i sama tilgangi verða settar fram frá eigin
brjósti hugleiðingar og skýringar um efni þessa stórfengilega
rits lesandanum til skilningsauka. Verður þetta gert með hlið-
sjón af niðurstöðum margra ára hagnýtrar reynzlu kenning-
anna í eigin lífi, en hið raunhæfa gildi kenninganna hefir
einmitt hrifið mig ómótstæðilega í gegnum löng kynni og
prófun.
Með hliðsjón af upphafsorðum þessara hugleiðinga er ekki
úr vegi að undirstrika hér, að eftir kynnum mínum af stefnu-
marki og viðleitni Guðspekihreyfingarinnar virðist mega líta
svo á, að Bhagavad Gita geti með nokkrum rétti skoðast sem
hin æðsta lærdómsbók þessarar stefnu. Mætti ætla að mæt-
ustu kynnendur hennar hafi haft þessa afstöðu. Nægir að
nefna í því sambandi dr. Annie Besant, sem þýddi ljóðin úr
Sanskrit á enska tungu, og einnig einn af frumherjunum hél-
lendis Sigurð Kristófer, sem eins og áður segir þýddi bókina
á íslenzku.
Þeim sem lesa þetta mikla rit verður það fljótt ljóst, að
það skapar andlegum leitendum tvímælalaust möguleika til
að fá svör við mörgum af flóknustu og erfiðustu spurning-
unum um lífið og veruleikann. Slíkt krefst þess þó af hans
hálfu, að hann sökkvi sér af alvöru, þrautseigju og stefnu-
festu niður í hið djúpstæða efni: hina háleitu heimspeki-
hugsun og trúarþel þessara göfugu helgiljóða, — eins og Sig-
urður Kristófer leggur áherzlu á. Sú lífssýn, sem Bhagavad
Gita opnar, bæði frá tímanlegu sem og andlegu sjónarmiði
eilífðarinnar, er svo stórbrotin, að svo er að sjá sem allt hið
fjölbreytta líf veraldarvegferðar manna, öll reynzla, þekking
og vísindi, geti í rauninni rúmast innan hins risavaxna og
víðfeðma ramma, sem hin stórbrotna hugsýn þessara miklu
helgiljóða mótar og setur sem umgjörð um allt lífsfyrirbærið
og efnisveruleika alheims.
Þvi er liinsvegar svo farið með marga sem lesa Bhagavad
Gita, að þeim tekst ekki að ná heildarsýninni að baki þeirra