Morgunn - 01.12.1975, Page 65

BHAGAVAD GITA
167
ari þátt í orrustu lífsins. — Tími og aðstæður gera það af
verkum, að stikla verður á stóru um að gera efni bókarinnar
frekari skil. Nauðsynlegt er þó að fara í stórum dráttum yfir
meginefnið svo nokkur heildarsýn fáist, og verður reynt hér
á eftir að gera þessu verkefni nokkra úrlausn. Er vonandi að
þetta megi takast svo að efnið komist sem bezt til skila og
án þess að um of teygist t'ir; en af miklu er að taka og því
vandi að velja og hafna. Bið ég því lesandann að hafa það í
huga, að ekki er hvort tveggja hægt, að vera stuttorður og
koma miklu efni til skila á viðhlýtandi hátt.
Bhagavad-Gita er i alls átján köflum, og eins og áður er
gefið til kynna, eru þeir sextán kaflar sem eftir eru, í raun-
inni einskonar nánari útlistun og skýringar á því, sem þegar
er framsett í fyrstu köflunum, er fjallað hefir verið um til
þessa; þótt þar sé að sjálfsögðu einnig margt annað sem óbeint
er tengt því sem áður er sett fram má eins segja að það sé
annað og nýtt. Kenningarnar fjalla um hinar ýmsu leiðir og
mismunandi viðhorf er til greina koma, og kemur þar margt
fram frábrugðið því sem áður er birt, þótt grundvöllurinn sé
hinn sami. Þetta verður þeim ljóst síðar, er sökkvir sér niður
í efni þessarar miklu bókar. En sannleiksleitandinn verður að
fá innsýn í kenninguna frá ýmsum hhðum, svo hann geti
fengið dýpt í hina miklu mynd, sem bókin bregður upp af
veruleika lífsins og vettvangi lifsbaráttunnar.
LeiS athafna.
Skal nú leitast við að rekja aðalþráðinn í hinum einstöku
köflum í eins stuttu máli og fært þykir.
f þriðja kafla ljóðanna, sem nefnist Karma-Yoga, er greint
frá leið athafnanna, sem annari af tveimur leiðum til lausnar
frá þjáningunni. Hinn Blessaði skýrir Arjuna frá, að enginn
fái losnað úr viðjum athafnanna eða öðlast fullkomnun fyrir
athafnarleysi eða afsal athafna. Eiginleikarnir sem aldir eru
af efninu geri það af verkum að enginn geti setið athafnalaus,