Morgunn - 01.12.1975, Side 74

176
MORGUNN
ig „sjái“ arabiskir sjáendur Múhameð, hindúar Brahma,
Vishnu og Shiva, indjánar Manitu og kaþólskir Jesú, Maríu
móður hans, engla og dýrlinga. M.ö.o. hver sjáandi sjái þær
myndir, sem standa honum fyrir hugskotsjónum úr trúar-
brögðum hans.
Segir höfundur, að ef vitrun sem hafi á sér kristilegan svip,
nái einhverri frægð og sé dulúðug og aðlaðandi, þá tileinki
kaþólska kirkjan sér hana, en afneiti henni annars mjög
ákveðið og lýsi hana falska, ef erfitt sé að fá hana til að falla
inn í hinn fyrirskipaða ramma Vatíkansins.
Er Daniken eðlilega mjög hneykslaður á því að kirkjan
skuli dirfast að taka að sér það vald að ákveða þannig hvaða
vitranir séu ósviknar og hverjar ekki.
Höfundur segir að á sömu stundu og einhver sjáandinn
lendi inn á áhrifasviði hvatanna utan úr geimnum, verði
hann að miðli og geti alls ekki vikið sér undan þeim áhríf-
um, sem grípi heila hans. Hei'linn fari þá að búa til myndir,
sem hann einn sjái. Vitranir segir hann geti veríð efnislausar
eða úr útfrymisefni, en hvort heldur sé, þá eru þær ósviknar
fyrir sjáandanum.
Það er skoðun Danikens, að ekki séu allar vitranir tengdar
trúarbrögðum. Á hann þar við innblástur snillinganna og
bendir í þvi sambandi á það hvernig danski eðlisfræðingur-
inn heimsfrægi, dr. Niels Bohr (1885—1962) hafi fengið vitr-
un í draumi um það hvernig atómið væri. Bohr dreymdi að
hann sæti á sól úr brennandi gasi. Plánetur þustu frarnhjá
brakandi og gneistandi, og alltaf virtust þær með örgrönnum
þráðum tengdar sólunni, sem þær gengu i kring um. Og þar
með vaknaði Bohr. Hann vissi þá, að það sem hann hafði séð
í draumi sínum var líkan af atóminu. Og fyrir þá þekkingu
fékk hann svo Nóbelsverðlaunin árið 1922.
En hvaðan koma þá vitranirnar? .Tú, þær koma frá há-
þroskaverum á fjarlægum hnöttum. Og þá er Daniken aftur
kominn að eftirlætiskenningu sinni um hina frábæru geim-
ferðaguði, sem hafa svo afdrifarík áhrif á manninn á jörðunni
okkar.