Morgunn - 01.12.1975, Qupperneq 76

178
MORGUNN
ímyndun okkar að verur frá öðrum plánetum kæmu til jarð-
arinnar og lentu á mismunandi stöðum: ein á norðurpóln-
um, önnur í New York og hin þriðja i Afríku. Ætli lýsing-
arnar á þessum hnetti okkar yrðu ekki ærið mismunandi?
1 bókinni SKYGGNST YFIR LANDAMÆRIN er hins vegar
ekki um að ræða neins konar upplýsingar frá látnum, sem
segjast lifa, heldur látnum sem hverfa aftur til lífsins og segja
bráðlifandi frá því sem þeir hafa reynt, heyrt og séð.
Hér eru ekki neinir „tortryggilegir“ miðlar notaðir til sam-
hands við annan heim. Hér er um að ræða milliliðalausa
reynslu einstaklinga á ýmsum stöðum í ýmsum löndum. Og
hvað kemur upp á teningnum? Frásagnir þeirra flestra er í
nánu samræmi við það, sem langoftast hefur komið fram á
miðilsfundum, þegar um venjulegar manneskjur er að ræða.
Þetta fólk hittir flest nána ættingja og ástvini, sem það hefur
saknað og þar verða fagnaðarfundir. Aðrir lenda að vísu á
miklu ömurlegri stöðum. En það er ekki nema eðlilegt, þvi
þar ræður auður og álit heimsins engu um. Það er mann-
gildið eitt, sem ákvarðar móttökurnar.
Þótt skoðanir höfundar þessarar bókar séu alltvístigandi milli
efnishyggju og spíritisma, þá eru frásagnir hans góðra gjalda
verðar um þessi furðulegu fyrirbrigði, og ágæt viðbót við það
efni, sem þegar hefur birst á íslensku um það, hvað við taki
eftir dauðann. Hvort sem það hefur verið tilgangur höfundar
eða ekki að styðja skoðanir spírista eða efnishyggjumanna, þá
fer ekki hjá því, að niðurstaða lesanda að lestri loknum verði
sú, að hér sé málsstaður hinna fyrrnefndu verulega studdur.
Efni bókarinnar er mjög forvitnilegt og víða blátt áfram
spennandi.
Þýðandi Kristin R. Thorlacius hefur unnið verk sitt lýta-
laust og á þakkir skildar fyrir þýðinguna. Ægisútgáfunni
skal einnig þakkað fyrir að hafa gefið þessa hók út.