Frjáls verslun - 01.02.2001, Qupperneq 99

VÍNUMFJÖLLUN SIGMARS
r n rt fíniin IJtan í hlíðunum eru lítil og
þorp umkringd vínekrum.
vinaleg
þægilegt vín á mjög góðu verði, ágætt með krydd-
uðum fiskréttum og reyktum laxi.
Hvítt smjör Ekkert er eins gott með fiski og
smjör eða sósur með smjöri. Flestir kannast við
hvað nýr lax með bræddu smjöri er ljúffengur.
Það er iðulega talað um lambakjöt, hvítlauk og
ólífuolíu í sömu andránni þegar rætt er um góð-
an mat, sama má segja um fisk, smjör og hvítvín.
Varla er hægt að hugsa sér betra útálát með fiski
en hvítt smjör sem nefnist á frönsku Beurre
Blanc. Ég tel nauðsynlegt að birta uppskriftina
að þessari góðu smjörsósu þegar fjallað er um
hvítvín og fisk. 33
Chardonnay Chardonnay þrúgan er vinsælasta hvítvínsþrúg-
an í heiminum og er Chardonnay vínviðurinn ræktaður í nær
öllum vínræktarhéruðum heims. Eitt af séreinkennum
Chardonnay vínanna er hvað vínið þroskast vel í eik og hve
mjög það eflist við geymslu. Margir telja að bestu Chardonnay
vínin komi frá Frakklandi, nánar tiltekið Búrgundarhéraði.
Frægust af Búrgundarvínunum eru Chablis vínin, en Chablis
er nyrsti hreppurinn í Búrgundarhérði. Chablis vínin eru sýru-
rík og hafa skarpt, kryddað bragð sem er í átt að grænum epl-
um. En eftirbragðið er ljúft ávaxtabragð, stundum bragð af
smjöri sem verður áberandi sé vínið búið að vera í eik. Chablis
vínin eru yfirleitt ekki látin eldast í viðartunnum en það eru þó
á því nokkrar undantekningar. Chablis vínin eru frábær með
fiski, t.d. með laxi. Meðal þeirra vína sem hægt er að mæla
með er Domaine Laroche Chablis Premier Cru Les Yaudevey
1999, á krónur 1.950. Ljómandi Chardonnay er Lindemans
Padhavay Chardonnay 1998, frá suður Ástralíu, á krónur 1.950.
Þetta er bragðmikið vín með mikilli iýllingu og ljúfu eikar-
bragði, vín sem myndi passa vel með karfa, ýsu, löngu og fisk-
réttum sem eru mikið kryddaðir, t.d. með karrýi. Beringer
Napa Valley Chardonnay Private Reserver 1998, á krónur
2.810, er ljómandi Kaliforníuvín en að vísu aðeins of ungt. Það
er mikil eik í þessu víni og það er gott með humri og jafnvel
saltfiskréttum.
Önnur góð fiskivín Til er mikið úrval af öndvegisgóðum vín-
um sem eru góð með fiski. Ef ég ætti hins vegar að benda á
eitthvert eitt vín á viðráðanlegu verði myndi ég mæla með
Chateau de Cleray Muscadet de Sevre et Maine sur lie, á krón-
ur 1.100. Þetta er einkar létt og þægilegt vín, frekar þurrt en af
því er ljúft beijabragð. Það sem gerir þetta vín nokkuð sérstakt
er að það er sur lie sem þýðir að vínið er látið þroskast í gerj-
unarámum með gerinu og öðrum efnum en efsta lagi vínsins
er svo dælt úr ámunni. Vínið verður með þessu móti mjög
ferskt og er ekki laust við að það sé ögn freyðandi þegar því er
hellt í glös. Vínið kemur frá Loire héraðinu sem er á vestur-
strönd Frakklands en þetta ágæta vín á eiginlega vel með öll-
um fiskréttum, ekki síst skelfiski og skötusel. Annað ljómandi
sjávarréttavín frá Loire er Frank Millet Sancerre, á krónur
1.430. Þetta vín er mjög gott með feitum fiski, eins og lúðu og
laxi, fiskisúpum og jafnvel pasta- og hrísgrjónaréttum sem í er
skelfiskur. ítalska vínið Bolla Soave Tufaie, á krónur 1.190, er
ekki margbrotið vín en skemmtilegt, létt, ljúft og ferskt með
ávaxtakeim. Þetta vín er prýðisgott með steiktri eða gufusoð-
inni bleikju. Torres Penedes Vina Esmeralda, á krónur 990, er
Beurre Blanc
1 dl hvítvín
1/2 dl rjómi
1 dl hvítvínsedik
2 - 3 (1/2 dl) fínt saxaðir skallottulaukar
200 g smjör (smjörið á að vera vel mjúkt)
1 tsk sítrónusafi
salt og hvítur pipar
A. Setjið lauk, vín og hvítvínsedik í pott og sjóðið við vægan hita þar til
nær allur vökvinn hefur gufað upp. Laukurinn á að vera eins og sulta.
B. Hellið rjómanum í pottinn og sjóðið við vægan hita í augnablik.
C. Hrærið nú smjörinu í bitavís saman við það sem í pottinum er.
D. Takið pottinn af hellunni og kryddið með sítrónusafa, salti og hvítum
pipar.
Sigmar B. Hauksson fjallar reglulega um léttvin í Frjálsri verslun.
Mynd: Geir Olafsson
Sigmar B. Hauksson mælir með eftirtöldum vínum með fiski:
Dopff og Iron Riesling 1999, krónur 1.190
Hugel Riesling 1998, krónur 1.280
Rene Mure Gewurztraminer Cote de Rouffach, krónur 1.320
Domaine Laroche Chablis Premier cru les Vodevey 1999, krónur 1.950
Lindemans Padthaway Chardonnay 1998, krónur 1.590
Beringer Napa Valley Chardonnay Private Reserve 1998, krónur 2.810
Chateau du Cléray de Sevre et Maine sur lie 1999, krónur 1.100
Frank Millet Sancerre 1999, krónur 1.430
Bolla Soave Tufaie 1999, krónur 1.190
Torres Pendedes Vina Esmeralda 1999, krónur 990
99