Frjáls verslun - 01.01.2004, Blaðsíða 60

Katrín Olga Jóhannesdóttir, framkvæmdastjóri markaössviðs Símans.
Mynd: Geir Ólafsson
um umhverfis. Það þýði ekkert að bregðast sérstaklega við
því, bankinn keyri bara áfram sína stefnu að láta verkin tala og
viðskiptavini njóta góðs af stærð og umfangi. Hann verði að
taka þeirri gagnrýni sem hann hugsanlega fái fyrir að vera
öðruvísi, vinna öðruvísi og byggja sig öðruvísi upp meðan ís-
lenskt samfélag sé að aðlagast nýjum samkeppnisveruleika.
Bankinn hafi hins vegar brugðist við þessari neikvæðu um-
ræðu, m.a. þegar Sigurður Einarsson fór í viðtöl við fjölmiðla
til að útskýra hvað þarna væri á ferðinni. BD
Nýtt lógó Símans þróaðist úr S forminu, síðan hlekkjaform-
inu og loks hnettinum í það sem nú myndar lógó Símans.
Liturinn skírskotar til framtíðarinnar.
Ný hugmyndafræði í útliti og merki Símans:
Hugmyndirnar
verða að veruleika
Síminn hefur einnig kynnt nýtt merki og raunar nýtt
heildarútlit fýrirtækisins að undanförnu. Útlitið er
alþjóðlegt, mun léttara og mýkra en áður og allt í ljós-
bláum og túrkisbláum lit. Katrín Olga Jóhannesdóttir, fram-
kvæmdastjóri markaðssviðs hjá Símanum, segir að vinnan
hafi hafist í kjölfarið á skipulagsbreytingunum fýrir ári síðan
og hafi allir starfsmenn komið að henni. 1. október sl. hafi
niðurstaðan síðan verið kynnt á starfsmannafundi og í fram-
haldinu hafi allir starfsmenn farið yfir þessa stefnumörkun og
fengið tækifæri til að koma með tillögur og taka þátt í vinnu-
stofum. Þannig hafi allir lagst á eitt um að marka Símamenn-
ingu saman. I ágúst hafi vinna hafist við útlit fyrirtækisins og
tvær auglýsingastofur komið að því verki, Gott fólk MC Cann-
Erickson og Young & Rubicam í Danmörku. Saman unnu
stofurnar að hugmyndafræðinni en starfsmenn Góðs fólks
útfærðu hugmyndafræðina í merki og herferð fyrirtækisins.
Síminn auðgar lífið Nýtt útlit, auglýsingar og lógó Símans
hafa vakið mikla athygli og segir Katrín Olga að það endur-
spegli þá niðurstöðu í stefnumótunarvinnunni að Síminn
auðgi lífið. Bæði hugmyndaffæðin og merkið endurspegla þá
vinnu sem hefur átt sér stað hjá Símanum. Hvað lógóið varðar
segir hún að gamla merkið hafi haft mjög tæknilega
skírskotun og nú sé verið að hverfa yfir í mannlega þáttinn og
mýktina. A þessum tíma sem liðinn er hafi margt verið skoðað
60