Frjáls verslun - 01.05.2004, Side 78

Baðvomr
AccucHt
Mynd: Geir Ólafsson
Kristjana Samúeisdóttir, lyfsali í Spöng, og Unnur Björgvinsdóttir, lyfsali í Lágmúla.
Lyfja:
Stýra ólíkum apótekum
Lyfsala hefur löngum verið karlafag en það er að breytast Lyfja rekur níu
lyljabúðir á höfuðborgarsvæðinu og fiórum þeirra stýra kvenkyns lyfsalar.
Unnur Björgvinsdóttir stýrir Lyiju í Lágmúla, sem er eitt
stærsta apótekið á Norðurlöndum, og Kristjana Samúels-
dóttir stýrir hverfisapótekinu Lyfju í Spöng í Grafarvogi.
Starfsemi apótekanna tveggja er ólík enda annars vegar um að
ræða apótek sem staðsett er afskaplega miðsvæðis og hins-
vegar hverfisapótek. Lyija í Lágmúla hefur 30 starfsmenn sem
vinna á vöktum enda er apótekið opið allan ársins hring, jafnt
á helgidögum sem öðrum dögum eins og reglur leyfa. Unnur
er nýtekin við starfinu þar en áður var hún lyfsali í Lyfju á
Laugavegi. Hún segist ekki vera jafn bundin á staðnum, með
fólk í vinnu og fjölbreyttari starfsemi og áður. Apótekið í
Spönginni er hinsvegar allt minna í sniðum, starfsmennirnir
aðeins sjö talsins og þjónustan afar persónuleg enda um
hverfisapótek að ræða.
Ekhi jafn bundin „Vinna í apóteki er skemmtilega ijölbreytt,
sérstaklega þegar maður er lyfsali,“ segja Unnur og Kristjana
þar sem við höfum plantað okkur niður við fundarborðið í
Lyfju í Lágmúla. Starf lyfsala felst í daglegri starfsmanna-
umsýslu, skipulagningu og stjórnun. Lyfsalarnir bera faglega
ábyrgð gagnvart yfirvöldum ef eitthvað gengur ekki upp auk
þess sem þeir eru milliliður milli yfirstjórnar íyrirtækisins og
apóteksins. Unnur og Kristjana ráða starfsmenn í samráði við
starfsmannastjórann og sinna ýmsum daglegum verkefnum
sem koma upp.
Lyfja í Grafarvogi er svæðisbundið apótek og þar er veitt
nokkurn veginn sama þjónusta og í Lágmúlanum en starfsemin
er óneitanlega persónulegri. „Þetta er meira hverfisapótek, til
okkar kemur fólk sem við nánast þekkjum. Annars gleymist
það oft að Grafarvogurinn er 18 þúsund manna byggðarlag
þannig að þetta er hverfi á stærð við eða stærra en nágranna-
byggðarlögin, t.d. Hafnartjörður og Mosfellsbær."
Sveigjanleiki og réttlæti Unnur og Kristjana eru sammála
um að stjórnun sé skemmtileg og ögrandi, reyni á hæfni í
mannlegum samskiptum. Þær leggja áherslu á sveigjanleika
og reyna að vera réttlátar sem stjórnendur og gera ekki upp
á milli fólks. Deila jafnt út verkefnum, vinna skipulega og
gæta þess að tala út um hlutina þannig að það komi ekki út
leiðindi á vinnustaðnum. Þær eru sammála um að góður
stjórnandi þori að taka ákvarðanir þó að það sé stundum ekki
auðvelt. Ákvarðanir verði bara að taka.
„Mér finnst skipta miklu máli að vandamálin séu leyst og
strax tekið á hlutunum svo að það komi ekki upp rígur og
leiðindi. Eg þoli ekki undirferli, vil bara að fólk segi skoðun
sína hvernig svo sem það er orðað,“ segir Unnur og Kristjana
bætir við að hún reyni að hafa allt vel skipulagt, verkefni
hvers og eins séu skjalfest þannig að þegar einhver fari í frí þá
hlaupi aðrir í skarðið og viti nákvæmlega hvað þeim beri að
gera. „Svo reyni ég að vera persónulegur stjórnandi, vera til
staðar tyrir starfsfólkið og týlgjast með því sem gerist, bæði á
vinnustaðnum og í lífi fólksins."
Unnur og Kristjana eiga sér margvísleg áhugamál. Báðar
eru þær tjölskyldumanneskjur, Unnur á þijú börn á aldrinum
11-18 ára og Kristjana á líka þrjú 3-10 ára. Unnur leggur stund
á líkamsrækt, göngutúr og sund auk þess sem hún hefur
gaman af skiðum. Kristjana er líka í líkamsræktinni auk þess
sem hún fer með fjölskyldunni í sund, út að hjóla og í sumar-
bústaðinn í Skorradal. Báðar eru þær á kafi í fótboltanum
með börnunum á sumrin.311
78