Frjáls verslun - 01.05.2004, Side 119

Skærbleikar konur hlupu og gengu rösklega í Garðabænum 19. júní. Mynd: Morgunblaðið/Árni Torfason
Konurnar styrktar af
Sjóvá-Almennum
Kvennahlaupið hefur farið fram í 15 ár og hafa Sjóvá-Almennar stutt það frá árinu 1993.
Þúsundir kvenna hafa tekið þátt í hlaupinu á hverju ári. Þorgils Ottar Mathiesen, forstjóri
Sjóvár-Almennra, segir að fyrirtækið telji sig fá góðvilja hjá konum fyrir stuðninginn.
að gildir það sama um Sjóvá-Almennar og önnur fyrir-
tæki, við teljum mikilvægt að taka þátt í því að styrkja
þjóðfélagsleg málefni og Kvennahlaupið er dæmi um
slíkt. Bæði kemur þar náttúrulega inn jafnréttis- og jafn-
ræðisbaráttan því að auðvitað er mikilvægt að ekki sé
gerður greinarmunur á kynjunum varðandi tækifæri, laun
og annað slíkt og ekki sé gerður greinarmunur milli ólíkra
þjóðfélagshópa almennt í þessum efnum. Síðan er ekki síður
þátturinn sem snýr að heilsusamlegu líferni og hreyfingu og
er mjög mikilvægur fyrir okkur öll, bæði konur og karla. Við
viljum styðja það og höfum stutt íþróttahreyfinguna hvað
það varðar. Þá er það ekki síst unga fólkið og íþróttirnar en
þær eru eitt mikilvægasta forvarnarstarf sem unnið er. Með
Kvennahlaupinu er líka verið að hvetja konur til að láta ekki
sitt eftir liggja í íþróttaþátttöku og hreyfa sig, styrkja líkama
og huga,“ segir Þorgils Óttar Mathiesen, forstjóri Sjóvár-
Almennra, en Sjóvá-Almennar hafa styrkt Kvennahlaupið í
11 ár og þar með stuðlað að því að konum yrði gert kleift að
hreyfa sig saman.
- Hvað fáið þið sem fyrirtæki út úrþví að styrkja Kvennahlauþið?
„Við teljum að við njótum þess í ímyndinni að fólk meti þau fyrir-
tæki sem láta gott af sér leiða í samfélagslegum málefnum. Sú
er auðvitað ástæðan. Við höfum líka verið í forvarnarstarfi og
áherslan verið meiri en ella að sfyrkja forvarnarstarfið þvi
teljum tengist svo mikið starfi tryggingafélaganna. Jú, stuðn-
ingur við Kvennahlaupið skilar sér fyrst og fremst í ímyndar-
málum. Sjóvá-Almennar hafa haft mikla ánægju af að styrkja
Kvennahlaupið í gegnum árin. Eg held að slikt skili sér til baka,“
svarar hann.
Kvennahlaupið var haldið í 15. sinn á kvenréttindadaginn 19.
júní sl. og tóku þúsundir kvenna þátt í þvi. Hlaupið var á 90
stöðum viðs vegar um landið og 15 stöðum erlendis. Langflestir
þátttakendur voru í Garðabæ. SH
119