Birtingur - 01.01.1964, Page 8

Við höfðum tvo klefa í hraðlestinni og 34 kistur
af gimsteinum frá Pforzheim
Þýzkt skran „Made in Germany“
Hann hafði fatað mig upp, og þegar ég steig upp í
lestina, hafði ég týnt hnappi
— Ég man það, ég man það, ég hef oft hugsað um það —
Ég lá á kistunum og var alsæll að geta leikið mér að
gylltu skammbyssunni sem hann hafði líka gefið mér
Ég var sæll, glaður og áhyggjulaus
Mér fannst ég væri í ræningjaleik
Við höfðum stolið fjársjóð Colcondes
Og með aðstoð Síberíulestarinnar ætluðum við
að fela hann á heimsenda
Ég átti að verja hann gegn þjófunum í Úral sem réðust
á trúðana hans Júlíusar Verns
Gegn kúngúsum, boxurunum frá Kína
Og óðum smámongólum Lama hins mikla
Alíbaba og þjófunum fjörutíu
Og fylgisveinum hins óttalega Fjallaöldungs
Og einkum gegn þeim sem næst stóðu nútímanum
Hótelrottum
Og sérfræðingum alþjóðahraðlesta,
Og samt, og samt
Var ég dapur einsog barn
Hrynjandi lestarinnar
Járnbrautarmergur amerísku sálsýkilæknanna
Hljóðið í hurðunum, röddunum, ásunum sem mörruðu
við freðna teinana