Vera - 01.10.2002, Síða 66

vera
kvikmyndir
Úlfhildur Dagsdóttir
Die Another Day heitir nýjasta Bond myndin og sú fjórða með
íranum Pierce Brosnan. Gripurinn verður frumsýndur í nóvem-
ber 2002 og að vanda eru væntingarnar miklar.
„Nobody does it better" söng Carly Simon á sínum tíma og karl-
mennska Bonds, og aðdráttarafl hans fyrir hitt kynið, er enn
aðalmálið. Bond kemur sér vel við allar konur, hvort sem þær
eru skaðræðisgripir eða skaðlausar; helstu undantekningarnar
á þessu eru þó miðaldra konur sem oft reynast Bondi fjötur um
fót en þær teljast heldur varla til kvenna, eða hvað?
66
Bond er í raun skilgreindur af samskipt-
um sínum við konur, eins og áherslan á
Bond píurnar sýnir. Sú mynd sem gerir
mest áberandi út á kyntöfra Bondsins er
From Russia With Love, en þar gefur
rússneski njósnarinn Natalía sig út fyrir
að verða ástfangin af Bond og lofar upp-
ljóstrunum ef hún fær að eiga samskipti
við hann. Auðvitað átti þetta bara allt að
vera tvöfalt plott illmennanna í samtök-
unum SPECTRE, og auðvitað varð stúlk-
an á endanum alvöru ástfangin. En það
áhugaverða er að í þessari mynd er það
Bond sjálfur sem er fyrst settur upp sem
kynferðislegt viðfang en ekki einungis
kvennabósi.
Heimsmaður og herramaður...
Sjarmi Bonds felst ekki síst í því hvað
hann er mikill heimsmaður og herramað-
ur, (strákar takið eftir:), auk þess sem frá-
sagnir af bólfærni hans fara greinilega
hátt, eins og fjar-ást Natalíu bar með sér.
Herramennskan er þó ekki einhlít og hef-
ur Bondinn löngum setið undir ásökun-
um um karlrembu og kvenfyrirlitningu.
Dionne Warwick súmmar upp í einu lagi
alla kosti/lesti kvennabósans Bonds:
„He's suave and he's smooth and he can
soothe you like vanilla, the gentleman's a
killer." ('killer' vísar hér náttla bæði til
drápsleyfis Bondsins og orðspors hans
sem 'ladykiller'), enda er hann „from the
school that loves and leaves them".
...en kvenfyrirlitningin ekki
langt undan
Harðasta dæmið um kvenfyrirlitningu
Bonds er framkoma hans við Honey Rider
í Dr. No, en hún segir honum að henni
hafði verið nauðgað. Til að hefna sín
smeygði hún Svartri ekkju undir flugna-
möskva mannsins: „A female, and they
are the worst. It took him a whole week to
die," segir hún og horfir stolt á Bond sem
bregst hinn versti við. „Did I do wrong?"
spyr hún sakleysislega. „Well it wouldn't
do to make a habit of it," svarar hann.
Þetta grófa skeytingarleysi um konuna,
samfara ákveðinni meðaumkun með
nauðgaranum stangast óþægilega á við
ímynd Bonds sem herramanns. Framan af
er því óhætt að segja að samskipti Bonds
við konur séu á tímum varhugaverð með