Tímarit Þjóðræknisfélags Íslendinga - 01.01.1960, Síða 109

þingtíðindi
91
Flutningsmaður lagði til, að skýrslan
yrði viðtekin. Frú Herdís Eiríksson
studdi, og var skýrslan að því búnu
samþykkt.
Grettir L. Johannson gerði tillögu um
að fresta fundi þangað til kl. 1.30 e. h.
Var sú tillaga studd af mörgum og síðan
samþykkt.
Annar fundur
hófst kl. 1.45 e. h., mánud. 22. febr.
Lesin var fundargerð síðasta fundar og
hún samþykkt.
Grettir L. Johannson lofaði fundar-
gestum að hlýða á jólakveðjur frá ís-
landi, er Ríkisútvarp fslands hafði sent
vestur um haf um síðustu jól. Að því
búnu las Grettir kveðju frá Ólafi Thors,
forsætisráðherra íslands, en skeytið
hljóðaði þannig:
,„f tilefni af fertugasta og fyrsta árs-
þingi Þjóðræknisfélags íslendinga í Vest-
urheimi sendi ég alúðarkveðjur og árn-
aðaróskir til þingfulltrúa og allra Vest-
ur-íslendinga með þökk fyrir órofa-
tryggð við tungu og sameiginlegan
menningararf."
ólafur Thors.
Forseti, dr. Richard Beck, flutti þessu
nmst kveðjur frá Sigurði Sigurgeirssyni
ritara Þjóðræknisfélagsins á fslandi og
frá Árna Bjarnarsyni bókaútgefanda á
Akureyri. Kveðjurnar hljóðuðu þannig:
„Sendum þingheimi öllum innilegar
heillaóskir Þjóðræknisfélags fslendinga.“
Sigurður Sigurgeirsson.
„öllum fulltrúum og gestum á þjóð-
raeknisþingi sendi ég hjartanlegar
kveðjur og hamingjuóskir. Megi starf-
semi ykkar eflast og blessast um alla
rramtíð til heilla fyrir íslendinga báð-
um megin hafsins. Hittumst heil næsta
sumar.“
Árni Bjarnarson.
Forseti flutti einnig kveðjur frá herra
Guðmundi Grímssyni fyrrverandi há-
yfirdómara í Norður-Dakota.
Þingheimur fagnaði kveðjunum með
lofataki.
Þessu næst tilkynnti forseti, dr. Beck,
?ð hans hágöfgi G. P. Vanier landstjóri
1 Kanada hefði orðið við þeirri beiðni
stjórnarnefndar að gerast heiðursvernd-
ari Þjóðræknisfélagsins. Var borið upp
Undir atkvæði þakkarbréf til landstjór-
ans í tilefni af þessu. Þingheimur fagn-
aoi þessum tíðindum með lófataki. Þá
tlutti forseti enn kveðju frá J. T. Thor-
son forseta fjármálaréttarins í Ottawa.
Var þeirri kveðju fagnað að verðugu.
■tjarmálaritari, Guðmann Levy, flutti og
kveðjur frá skjalaverði, Ragnari Stefáns-
syni.
Ritari flutti þessu næst ársskýrslu
þjóðræknisdeildarinnar „Aldan“ í Blaine,
Washington.
Ársskýrsla þjóðræknisdeildarinnar
„Aldan" í Blaine. Washingíon
Árið 1959 hefir þjóðræknisdeildin
„Aldan“ í Blaine, Washington haldið
þrjá starfsmálafundi og þrjá nefndar-
fundi. Tvær skemmtisamkomur voru
haldnar á árinu, báðar til arðs fyrir
Stafholt, heimili hinna öldruðu hér í
bænum. Sú fyrri var haldin á sumar-
daginn fyrsta, sem þetta ár bar upp á
23. apríl. Tókst hún mjög vel og gaf í
arð $203.05. Sú síðari var haldin 13. nóv.
síðastliðinn og var ánægjuleg í alla
staði. Tekjur voru $94.50. Þjóðhátíðar-
dagsins 17. júní var minnzt þannig, að
Aldan boðaði opinn fund kl. 2 e. h. í
samkomusal íslenzku kirkjunnar og
bauð íslenzku fólki að koma saman til
að minnast þessa merkisdags þjóðar
sinnar og gera sér sjálfum og öðrum
glaða stund eftir föngum. Það fólk, sem
boðið þáði, naut ánægjulegrar samveru-
stundar og gaf Öldu $20.00. Deildin hef-
ir á þessu ári lagt $300.00 í byggingar-
sjóð Stafholts, auk þess sem hún hefir
gefið $100.00 til heimilisins eins og und-
anfarandi ár.
Aldan á á bak að sjá einum meðlim,
frú Önnu Lyngholt, ekkju Bjarna Lyng-
holts skálds, en hún lézt 12. júlí s. 1.,
89 ára að aldri. Einn nýr meðlimur,
Helga Guðmundsdóttir, hefir bætzt
deildinni.
Meðlimatala um þessi áramót er 30.
A. E. Krisíjánsson
forseti
Dagbjöri Vopnfjörð
ritari.
Þjóðræknisdeildin Aldan í Blame,
Washington sendir hinu fertugasta og
fyrsta ársþingi Þjóðræknisfélags íslend-
inga í Vesturheimi alúðarkveðjur og
einlægar heillaóskir.
A. E. Krisljánsson
forseti
Dagbjöri Vopnfjörð
ritari.
Flutningsmaður lagði til, að skýrslan
yrði viðtekin. Var það stutt af mörgum
og skýrslan síðan samþykkt. Þessu næst
flutti Stefán Eymundsson ársskýrslu
þjóðræknisdeildarinnar „Ströndin“ í
Vancouver.