Uppeldi og menntun - 01.07.2011, Blaðsíða 148

Uppeldi og menntUn/icelandic JoUrnal of edUcation 20 (2) 2011148
Vil J inn í Verki – aUðskildir kaflar
Árangursrík ár er titill þriðja kafla. Það er lýsandi titill því það var mikið
að gerast á þessum fyrstu árum styrktarfélagsins. Í kaflanum er fjallað um
skólamál, sambýlamál, verndaða vinnustaði, sumarbústaðaferðir, utan-
landsferðir og hagsmunabaráttu. Það kom mér á óvart hvað það er stutt
síðan fyrsta sambýlið var stofnað. Árið 1976 fluttu nokkrar konur með
þroskahömlun á sambýli. Það gekk vel og fleiri sambýli og skammtíma-
vistanir voru stofnuð. Mér fannst líka gaman að lesa um utanlandsferðirnar
og fannst ótrúleg ferðin sem farin var með styrktarfélaginu til Benidorm
sumarið 1977. Þetta voru 37 einstaklingar með þroskahömlun og átta
starfsmenn. Ég held að þetta væri ekki gert svona í dag og ég spyr hvort
þetta hafi ekki verið of fáir starfsmenn.
Fjórði kafli fjallar um starfsemi félagsins á árunum 1981–1997. Sagt er frá
breyttum tímum og frá upphafi Áss vinnustofu og Atvinnu með stuðningi.
Lokakaflinn fjallar síðan um árin 1998–2008. Þar er sagt frá því að Styrktar-
félag vangefinna hafi fengið nýtt nafn því margir hafi haft áhyggjur af því
að gamla nafnið væri ekki nógu flott og passaði ekki í nútímanum. Ég er
mjög ánægð með nýja nafnið. Mér fannst líka gaman að lesa um öll þau
verkefni sem styrktarfélagið hefur unnið á undanförnum árum. Það mætti
kannski auglýsa þessi verkefni betur því ég hafði aldrei heyrt um þau. Mér
finnst að styrktarfélagið ætti að gefa út meira fræðsluefni fyrir fólk með
þroskahömlun, eins og til dæmis um það að flytja að heiman, því það eru
svo mörg mál sem fólk með þroskahömlun þarf að takast á við þegar það
flytur frá foreldrum sínum.
Að lokum vil ég óska Ási styrktarfélagi til hamingju með bókina sem mér
finnst mjög skemmtileg og mikilvægt að í henni séu líka léttlesnir og auð-
skildir kaflar.
Um höfUnd
Ása Björk Gísladóttir (asabjork79@gmail.com) er aðstoðarkona í leik-
skólanum Klömbrum. Hún hefur lokið starfstengdu diplómaprófi frá
Háskóla Íslands. Fagleg áhugamál hennar eru m.a. leikskóla- og fötlunar-
fræði.