Árbók VFÍ/TFÍ - 01.01.1997, Blaðsíða 37

Skýrslur fastanefnda VFI 35
Fundirnir hafa verið mjög misjafnlega sóttir. Fæstir hafa fundarmenn verið 14 en flestir
rúmlega 60, en það var fundur sem haldinn var samtímis í Reykjavík og Akureyri með hjálp
nýrrar fjarfundatækni. Sá fundur var í boði Pósts og síma.
Okkur í stjórn RVFÍ er það mikið áhyggjuefni hversu breytileg fundarsóknin er og virðist
ýmislegt valda því. Til dæmis virðist fundarboðun þurfa að vera ákveðnari og einnig virðast
sterkstraumsmál njóta mun minni vinsælda en tölvumál.
Við munum að loknu starfsárinu senda VFI ýtarlegri skýrslu um starfsemina og treystum
því að orðanefndin sendi sjálf sína skýrslu.
Að lokum vil ég biðja fyrir góðar kveðjur til fundarins og að félaginu megi farnast sem
best í framtíðinni.
Rafmagnsverkfrœðingadeild VFI
Jón Þ. Jónsson
2.5.6 Vélaverkfræðingadeild VFÍ
Stjórn Vélaverkfræðideildar skipa: Hailiði Loftsson formaður, Sveinn Valdimar Olafsson
gjaldkeri og Tómas R. Hansson ritari.
Starfsemin hefur verið með hefðbundnu sniði síðasta staxfsár, þ.e. heimsóknir í fyrirtæki
og stofnanir.
Olíufélagið hf. (Esso) sótt heim þ. 16. júní 1995: Mætt var við aðalbirgðageymslu Olíu-
félagsins hf. (Esso) úti í Örfirisey, en Skeljungur hf. hefur einnig aðstöðu í sama húsnæði.
Byrjað var á stuttri kynningu á starfseminni og m.a. skýrt hvernig staðið er að birgðahaldi
fyrirtækisins og dreifingu inrianlands. Kom þar m.a. fram að olíur og eldsneyti eru geymd á
fjórum stöðum á og í nágrenni við höfuðborgarsvæðið, þ.e. í Örfirisey, á Laugamestanga, í
Skerjafirði og Hvalfirði.
Þá var gengið um svæðið og það skoðað. Þó nokkra athygli vakti öryggis- og slökkvi-
búnaður í tengslum við olíugeymana.
Eftir skoðun birgðastöðvarinnar var haldið í aðalstöðvarnar á Suðurlandsbraut. Þar var
byrjað á að fræða menn um uppbyggingu fyrirtækisins og tengsl þess við söluaðila um land
allt. Einnig var farið nákvæmlega í verðmyndun olíunnar. Koiu það mörgum á óvart hve
stóran hluta „stóri bróðir“ tekur í sinn hlut. Var þetta mjög fróðlegt erindi. A eftir var boðið
upp á léttar veitingar, sem neyll var í afslöppuðu andrúmslofti. Lítlegar umræður urðu um
stöðu olíuverslunar á Islandi í ljósi harðnandi samkeppni.
Þetta var mjög ánægjuleg heimsókn sem VVFÍ færir Olíufélaginu hf. bestu þakkir fyrir.
Heimsókn til Islenskra sjávarafurða hf. 26. janúar 1996: Um 30 manns mættu í aðalstöðv-
ar ÍS, í nýtt húsnæði þeirra við Sigtún, sem hefur eins og kunnugt er risið á mettíma. Þar tók
á móti okkur gæðastjóri fyrirtækisins, Atli Björn Bragason.
Bauð hann gesti velkomna en sýndi þeim því næst húsnæðið og fræddi þá urn tilurð þess.
Húsnæðið er hið glæsilegasta í alla staði og mega ÍS-menn vera stoltir af því. Eftir skoðun
hússins var safnast saman í fundarsal þar sem Atli skýrði uppbyggingu fyrirtækisins, jafnt
hérlendis sem erlendis, en ÍS hefur haslað sér völl víða um heim, m.a. á Kamtsjatka, í Nami-
bíu og víðar.