Árbók VFÍ/TFÍ - 01.01.1997, Blaðsíða 315

Vegagerðin 313
Hugsanlegt er þó að ákveðið verði síðar að gera þar jarðgöng og mundi það breyta miklu.
5) Gilsfjörður: Framkvæmdir eru þegar hafnar.
6) Þorskafjarðarheiði: Leiðin frá ísafjarðardjúpi suður til Reykjavrkur er það miklu styttri um
Þorskafjarðarheiði en um Strandir að vegfarendur reyna að bijótast slóðina á vorin löngu áður
en hún er raunverulega fær. Þegar Gilsfjörður hefur verið þveraður og leiðin styttist enn, mun
verða mikill þrýstingur á vegagerð um Þorskafjarðarheiði.
7) Tenging um Svínavatn: Þessi vegur mundi stytta norðurleiðina um 12 km. Þetta er hins
vegar pólitískur munaðarleysingi því varla verður nokkur þingmaður Norðurlands vestra það
kjarkaður að hann þori að færa Hringveginn frá Blönduósi. Þetta er þó haft þarna með ef
landið yrði gert að einu kjördæmi einhvern tíma á næstu 22 árum.
8) Tenging um Héðinsfjörð: Á Siglufirði er sterkur þrýstihópur fyrir þessari vegagerð. Þetta
verða næstu jarðgöng á eftir Austfjarðagöngum.
9) Öxarfjarðarheiði: Vetrartenging kauptúnanna á Norðausturlandi, Raufarhafnar og
Þórshafnar, við Norðurland hefur verið um Sléttu sem er langur krókur. Mögulegt er að leggja
nýjan veg um Öxarfjarðarheiði sem liggur lægra en núverandi vegur. Tengdur við hann er nýr
vegur til Raufarhafnar sem færi um sléttara land.
10) Jökuldalsheiði: Hafin er vinna við að byggja upp tengingu Norðurlands og Austurlands.
Veglínan liggur nokkuð samhliða gamla veginum á norðurhlutanum en færist mikið austar á
Jökuldalsheiði.
11) Austfjarðagöng: Meirihluti nefndar sem fjallaði um mögulegar jarðgangaleiðir á Aust-
fjörðum lagði til að þar yrði fyrst ráðist í gerð þriggja ganga, þ.e. frá Seyðisfirði, Norðfirði og
af Héraði til Mjóafjarðar. Það er ekki ástæða til að spá öðru en tekið verði tillit til þessa álits.
Síðar verða gerð göng frá Fáskrúðsfirði til Reyðarfjarðar. Önnur göng, t.d. frá Vopnafirði yfir
á Hérað, ná varla inn á þetta 22 ára tímabil.
12) Tenging um Öxi:.Nýr vegur yfir Öxi myndi að sumarlagi stytta Hringveginn um 55 km
sem er meira en Hvalfjarðargöng 42 km. Þessi tenging er hins vegar eins og fleiri pólitískt
munaðarlaus. Það er lítið kappsmál fyrir alþingismenn Austurlandskjördæmis að leggja fé í
veg sem helst styttir leiðina á milli Suðausturlands og Norðurlands um Hérað en mundi
jafnvel draga úr umferð um firðina. Ég spái þó að þessi vegur verði byggður og þjóni umferð
á meðan fært er vegna snjóa. Yfir veturinn er hins vegar sjálfsagt að farið verði um firðina.
13) Bræðratunga-Flúðir, brú á Hvítá: Loftlína á milli þéttbýlis við Flúðir og Reykholts-
hverfis er ekki löng. Það er hins vegar nokkuð langur vegur á milli þessara staða um brú við
Iðu eða um brú við Brúarhlöð. Brú á Hvítá við Bræðratungu mundi stytta þessa leið.
14) Lyngdalsheiði: Svokallaðir túristavegir eiga oft erfitt uppdráttar hjá þingmönnum í
kjördæmi. Ef sumarhúsaeigendur við Laugarvatn hefðu kosningarétt á Suðurlandi væri búið
að byggja þenna-n veg fyrir löngu.
5 Vetrarþjónusta
5.1 Snjómokstur
Núgildandi snjómokstursreglur Vegagerðarinnar eru með átta mismunandi þjónustustig, þ.e.
mokstur frá einum degi í viku upp í sjö daga. Auk þess er mokað á mismunandi dögum. Haft
er eftir reyndum mokstursmanni hvernig þessu eigi að vera háttað: „Það á að rnoka þegar það
er snjór“. Þannig verður þetta orðið að 22 árum liðnum. Þegar búið er að fjárfesta svo mikið í