Árbók VFÍ/TFÍ - 01.01.1997, Blaðsíða 313

Vegagerðin 311
4.1 Viðhald
Margar stórbrýr sem byggðar voru á fyrri hluta aldarinnar þarf að endurnýja á næstu árum.
Reynslan sýnir að þegar bundið slitlag verður samfellt verða einbreiðar brýr á þeim kafla
hættulegar og þær þarf að breikka þótl umferðarþunginn krefjist þess ekki beinlínis. Mjög víða
eru vegarkaflar sem hafa lítið burðarþol þrátt fyrir að þeir hafi verið lagðir bundnu slitlagi fyrir
löngu síðan. Þessa vegi þarf að styrkja til að fullnægja kröfum tímans um fullan burð allan
ársins hring. Allt eru þetta aðgerðir sem munu taka til sín mikið fjármagn næstu áratugina en
hinn almenni vegfarandi mun ekki beinlínis verða var við úrbótina. Það voru víst brýr þarna
fyrir og lélegir vegir hafa þó borið fólksbíla. Það er því líklegt að einhverjum muni þykja seint
ganga í nývegagerð.
4.2 Bundið slitlag
Eins og fram kemur í 2. kafla spái ég því að lagðir verði að meðaltali 100 km af bundnu slitlagi
á ári næstu 22 árin. Það eru samtals 2.200 km. Á kortinu hér fyrir neðan, mynd 4, er sýnt
bundið slitlag í lok ársins 1995 og spá fyrir árið 2018. Þar eru þó aðeins nýttir urn 2.000 km af
þessurn 2.200 og nú getur þú, lesandi góður, tekið þér penna í hönd og sett inn þínar óskir, alls
200 km. í spá minni geri ég ráð fyrir að allir stofnvegir verði lagðir bundnu slitlagi auk
nokkurra tengivega.
Það verður að hafa í huga að lagningu bundins slitlags fylgir yfirleitt umfangsmikil
vegagerð svo þegar spáð er 100 km af bundnu slitlagi þýðir það í raun 100 km í nýbyggingu
vega.
Bundið slitlag í lok árs 1995
Spá um bundið slitlag árið 2018
Gert í júnf 1996
Mynd 4 Bundið slitlag í lok árs 1995 og spá fyrir árið 2018.