Læknablaðið - 15.04.1996, Blaðsíða 49

LÆKNABLAÐIÐ 1996; 82
303
við sívöktun á tveimur sjúklingum þar sem hætta var
á myndun vöðvahólfaheilkennis í ganglimum, hjá
öðrum vegna notkunar aorta-ballon pumpu og hin-
um vegna tengingar hjarta-/lungnavélar í nára.
Tækni þessi er auðveld í notkun og virðist óhætt
að mæla með að slíkar mælingar á þrýstingi í vöðva-
hólfum verði gerðar hjá þeim sjúklingum sem líkleg-
ir eru til að fá vöðvahólfaheilkenni og eru meðvit-
undarlitlir eða meðvitundarlausir.
16. Kransæðaaðgerðir á
Landspítalanum 1995
Kristiiin B. Jóhannsson, Hörður Alfreðsson,
Þórarinn Arnórsson, Bjarni Torfason, Grétar
Ólafsson, Jónas Magnússon
Handlœkningadeild Landspítalans
Hjartaaðgerðir hófust á Landspítalanum 14. júní
1986. Síðan hafa verið gerðar um 1700 hjartaaðgerð-
ir. Frá byrjun hefur arteria mammarii interna verið
notuð og má leiða rök að því að notkun hennar eigi
mikinn þátt í hversu tíðni enduraðgerða á sjúkling-
um er lág.
Það hefur margt breyst á þessum 10 árum. Að-
gerðum á sjúklingum yfir sjötugt hefur fjölgað.
Heildaraaðgerðartími hefur styst, tangar- og vélar-
tími einnig. í>á er tíðni blæðinga eftir aðgerðir
minni. Dvöl á gjörgæslu hefur styst til muna og er nú
einn sólarhringur. Sjúklingur sem gengst undir
kransæðaaðgerð útskrifast yfirleitt af legudeild eftir
sjö til 10 daga ef engir aukakvillar verða.
A árinu 1995 gengust 195 sjúklingar undir krans-
æðaaðgerðir, 95 þeirra voru með langvarandi hjarta-
öng, 85 með hvikula hjartaöng og 15 teknir í aðgerð í
skyndi vegna yfirvofandi hjartadreps. Þrír sjúklingar
létust við þessar aðgerðir. Ekkert dauðsfall var við
venjulegar kransæðaaðgerðir á skurðstofu. Einn
sjúklinganna þriggja fékk mesenteric thrombosu og
lést á gjörgæsludeild. Annar fór í endurkransæðaað-
gerð og lést á skurðstofu. Sá þriðji var með slagæðar-
gúlp á framvegg og kransæðasjúkdóm en hann lést
10 dögum eftir aðgerð.
A þinginu verður gerð nánari grein fyrir aldri
sjúklinganna, kynjaskiptingu, almennu ástandi
þeirra fyrir aðgerð og ástandi kransæða og vinstri
slegils. Tíðni helstu aukakvilla verður rakin og
ástand sjúklinganna við útskrift.
17. Blóðflögufæð og segamyndun
vegna heparínmeðferðar hjá
æðasjúklingum. Tvö sjúkratilfelli
Ragnhildur Steinbach, Jón H.H. Sen, Halldór
Jóhannsson
Æðaskurðdeild Landspítalans
A tímabilinu frá nóvember 1994 til janúar 1995
voru tveir sjúklingar til meðferðar á æðaskurðdeild
Landspítalans sem fengu blóðflögufæð og sega-
myndun sem fylgikvilla við heparínmeðferð, að því
er talið er. Endaði þetta með því að það þurfti að
aflima ganglim á báðum sjúklingunum. Báðir sjúk-
ingar voru með hjartaöng og komu í kransæða-
myndatöku og síðan kransæðavíkkun og fengu hep-
aríndreypi eins og venja er. Leiddi þetta til blóðsega
í ganglim og þrátt fyrir endurteknar aðgerðir tókst
ekki að bjarga útlimunum og þurfti að aflima þá.
Kynnt verða sjúkratilfelli þessara sjúklinga.
Talið er að 0,5-1% sjúklinga sem fá heparín fái
bióðflögufæð og segamyndun sem getur valdið al-
varlegum afleiðingum. Stundum þarf að aflima
þessa sjúklinga vegna dreps í útlimum og jafnvel
hefur þetta valdið dauða. Talið er að þetta sé vegna
myndunar heparín ónæmisglóbúlín G ónæmisflækja
á frumuhimnum blóðflagna og æðaþelsfrumna. Þar
sem þetta er sjaidgæf og óvenjuleg aukaverkun hep-
aríns er hætt við að greiningin sé ekki gerð tímanlega
og heparíngjöf haldið áfram með alvarlegum afleið-
ingum.
18. Brisstubbstenging í Whipples
aðgerð vegna gallvegaæxlis
Magnús E. Kolbeinsson", Jón Níelsson2>
"Sjúkrahús Akraness, 2>Sjúkrahús Reykjavíkur
Brissafaleki (pancreatic fistula) er einn algengasti
fylgikvilli Whipples aðgerðar. Þegar meinsemdin er
í brisinu sjálfu valda gangstíflur og bólgur þéttari
kirtiláferð (firm pancreatic texture) og víkkun bris-
gangs. Aukin vefþéttni og víður brisgangur auðveld-
ar nær allar tengiaðferðir.
Gallvegaæxli (cholangiocarcinoma) raska hins
vegar sjaldnast áferð eða gangvídd briss. Að sauma í
mjúkan brisvef og 2-3 mm brisgang eykur áhættu á
tengileka og öðrum fylgikvillum.
f þessum tilvikum er einfalt að setja togsaum af 0
gildleika (silki) að ofan og neðan í afskorna enda
brissins (superiorly and inferiorly across the cut ed-
ge of the pancreas) og síðan í gegnum görnina (jej-
unum) 3-5 cm frá garnarendanum. Þegar togað er í
saumana slíðrast brisið 3-5 cm inn í görnina. 3/0
saumar eru síðan notaðir til að festa garnarendann
við brisyfirborðið. Oftast 10-12 saumar.
Með þessari aðferð fer enginn saumur nálægt við-
kvæmum og þröngum gangi brissins. Séu notaðir
einþráðungar (monofilament) í togsauminn getur
þurft að hnýta hann á 4-6 mm plötu (teflon) til að
hindra að hnúturinn skerist í gegnum smágirnið.
19. Er unnt að spara peninga í
heilbrigðiskerfínu með því að
fjárfesta í nýjum tækjabúnaði?
Valur Þór Marteinsson, Shree S. Datye
Handlœkningadeild Fjórðungssjúkrahússins á
Akureyri
Helsta aðgerðin við þvaglátaeinkennum vegna
hvekkauka hjá körlum á íslandi hefur verið hvekk-