Sagnir - 01.06.2005, Blaðsíða 5
Ritstjóraspjall
Kristbjörn, Óli Njáll, Sigurlaugur og Jón Skafti sitja í ritstjórn Sagna árið 2005.
Aldarfjórðungur er nú liðinn síðan fyrsti árgangur Sagna leit dagsins ljós. Tímaritið
hefur vaxið og dafhað á langri ævi og er nú eitt vandaðasta ritið sem gefið er út innan
Háskóla íslands. Af þessu tilefni tók ritstjómin þá ákvörðun í haust að halda uppá afmælið
á nýstárlegan hátt. f stað þess að halda veislu, borða köku og bjóða gestum, var ákveðið að
taka til hendinni og gera gamla, oft ófáanlega, árganga aðgengilegri en áður.
Veraldarvefurinn var talinn heppilegasti vettvangurinn og því opnuð heimasíða Sagna á
vefslóðinni www.sagnir.hi.is þar sem nú er hægt að nálgast eldri árganga.
Greinamar sem birtast í Sögnum í ár koma úr ólíkum áttum og flestir ættu að geta
fundið eitthvað við sitt hæfí enda var það markmið ritstjómar að hafa efnið sem
fjölbreyttast. í fyrstu var ætlunin að ritverk blaðsins byggðust á lokaverkefnum
nýútskrifaðra sagnfræðinga en það gekk treglega og em einungis tvær greinanna tengdar
lokaverkefnum. Af þeim sökum tók ritstjóm annan pól í hæðina og leitaði eftir ritgerðum
hins almenna nemanda sem þóttu hafa skarað framúr í námskeiðum. Eftir það reyndist mun
auðveldara að safna greinum. Ritstjóm vill nota tækifærið og þakka öllum
greinarhöfundum fyrir vel unnin störf.
Það eina sem skyggði á starfsárið var hversu erfitt reyndist að fá konur til að senda inn
ritverk. í upphafí var greinilegt að mun erfiðara var að hvetja konur til skrifanna og þótti
ritstjóm það miður því eitt af markmiðum vetrarins var að hafa sem jafnasta skiptingu á
milli kynja. Það tókst því miður ekki en eftir að ritstjóm hafði sent bréf til stúdenta þar sem
stúdínur vom hvattar til að skila inn greinum vænkaðist hagur þeirra lítillega. Það hlýtur að
teljast áhyggjuefni innan fræðanna að konur skuli ekki sjá sér fært að vera duglegri við að
birta skrif sín og nota þau tækifæri sem bjóðast til að koma hugmyndum sínum og
skoðunum á ffamfæri. Sagnir em tímarit allra nemenda og því þeirra að nýta sér
möguleikana sem þar bjóðast. Vonandi verður auðveldara fyrir ritstjómir ffamtíðarinnar að
fá konur til að skila inn greinum.
Ritstjóm Sagna stóð fyrir málþingi undir heitinu Sagna-þing nú á vordögum. Var þetta
annað árið í röð sem slíkt þing er haldið og þótti það heppnast mjög vel. Mæting var góð
og yfirskriftin að þessu sinni var „Hlutleysi eða afstaða?”. Ritstjóm ákvað að gefa ungum
sagnffæðingum sem hafa nýlega útskrifast, tækifæri til að flytja erindi og birtast þau aftar í
blaðinu. Vonandi er Sagna-þing komið til að vera því þama skapast verðugur vettvangur
fyrir sagnffæðinema og ffæðimenn til að takast á, skiptast á skoðunum og efla
sagnffæðilega umræðu.
Undanfarin ár hafa ákveðin þemu einkennt Sagnir öðm hvom. Ritstjóm ákvað
hinsvegar að ekkert þema mundi vera ráðandi í Sögnum að þessu sinni heldur yrði
fjölbreytileikanum leyft að njóta sín. Núverandi ritstjóm lítur svo á að Sagnir séu
vettvangur allra sagnffæðinema og vel til þess fallnar að endurspegla fjölbreytnina sem
einkennir áhuga sagnfræðinema í dag. Sagnir eiga að vera opinn vettvangur fyrir nemendur
til að kynna verk sín og störf, auk þess sem þeir kynnast þeirri ffæðilegu vinnu og
tilfinningu sem fylgir því að birta grein í tímariti.
Að lokum vill ritstjóm Sagna óska sagnffæðinemum til hamingju með þessi merku
tímamót og þakka öllum þeim sem hafa gert útgáfu og tilvist Sagna mögulega. Til hamingju
með afmælið sagnfræðinemar..
Sagnir 2005 3