Sveitarstjórnarmál - 01.12.2001, Síða 37

Menningarmál
að vefsmiðja þeirra hafi verið. Þeirri rannsókn er
enn ekki lokið og gera menn sér vonir um að ljúka
rannsókninni á næsta ári.
Rekstur Eiríksstaða
Eiríksstaðir eru reknir af sveitarfélaginu Dala-
byggð enn sem komið er. Ástæða þykir að móta
fyrst rekstur Eiríksstaða áður en ákvörðun er tekin
um framtíðarrekstrarform. Stjórn Eiríksstaða-
nefndar er skipuð Friðjóni Þórðarsyni formanni,
séra Óskari Inga Ingasyni ritara, Jóhanni
Sæmundssyni svo og oddvita og sveitarstjóra
Dalabyggðar.
Uppbyggingin á Eiríksstöðum hefur mikla
þýðingu fyrir byggðarlagið. Með opnun Eiríksstaða
og nýendurgerðs þriggja stjörnu hótels á Laugum
hefur orðið áþreifanleg aukning ferðamanna um
byggðarlagið. Ekki má gleyma að öll sú uppbygg-
ing sem á sér stað í ferðaþjónustu á svæðinu er
atvinnuskapandi fyrir héraðið í heild.
Kjötsúpa er framreidd við langeld á Eiríksstöðum.
Uppbygging menningartengdrar ferðaþjónustu er
því vel við hæfi á þessum sögufrægu slóðum og
óskandi er að samstaða verði meðal heimamanna
um framhaldið í náinni framtíð.
Lokaorð
Ljóst er að Eiríksstaðir eru aðeins upphafið að
menningartengdri ferðaþjónustu í Dalabyggð. Eftir
að dyngja kvennanna fannst gera Dalamenn sér
vonir um að i náinni framtíð verði dyngjan búin til
fyrir neðan bæinn.
Hreppsnefnd Dalabyggðar hefur gefið Eiríks-
staðanefnd umboð til að vinna að undirbúningi
opnunar safns Leifs Eiríkssonar. Safnið verður til
húsa í gamla kaupfélagshúsinu niðri við nýju
smábátahöfnina í Búðardal. Ásamt því að hýsa
Leifssafn þá verða jafnframt landafundum gerð
skil með veglegri sýningu ásamt því að sett verður
upp héraðssýning. Fyrirhugað er að í sýningarhús-
inu verði einnig upplýsingamiðstöð ferðamanna og
kaffhús fyrir gesti.
Verkefnisstjóri leitast við að vera í góðu samstarfi
við skóla og söfn í landsijórðungnum, sem og ann-
ars staðar á landinu. Einnig er unnið að því að vera
í samstarfi við erlenda aðila eins og Brattahlíð á
Grænlandi þar sem Eiríkur rauði og kona hans
Þjóðhildur tóku búsetu eftir brotthvarf frá íslandi
og við L’Anse aux Meadows á Nýfúndnalandi þar
sem norrænar víkingabúðir hafa fundist og verið
endurbyggðar.
Unnið er að því að fá Eiríksstaði samþykkta inn
á heimsminjaskrá Sameinuðu þjóðanna.
Dalirnir eru vagga landafundanna og eru fá
héruð sem eiga eins marga sögustaði og Dalasýsla.
skrifstofuskápar - einfaldlega betri
r Minnumá
rammasamning
okkar við
L Ríkiskaup _i

1
*JT BEDCO & MA.THIESEN EHF
Bæjarhraun 10 - Sími 565 1000