Morgunblaðið - 09.10.2014, Blaðsíða 94

94 ÍSLENDINGAR
MORGUNBLAÐIÐ FIMMTUDAGUR 9. OKTÓBER 2014
Sigurgeir Már Halldórsson, forstöðumaður yfir innflutnings-sviði hjá Icelandair Cargo, verður með þriggja daga dagskráfyrir afmælið sitt. „Ég ætla að byrja á að fara út að borða með
eiginkonunni og börnum í kvöld, býð nánustu fjölskyldu í mat á
morgun og enda afmælistörnina á því að halda partí fyrir nánustu
vini á laugardagskvöldið.
Í tilefni af fertugsafmælinu fórum við félagarnir í golfferð um
miðjan september, en sami hópur fór í fótboltaferð þegar við urðum
þrítugir. Einn félaga okkar býr í London og við heimsóttum hann og
spiluðum golf í þrjá daga. Þetta er í fyrsta sinn sem við förum saman
og spilum golf erlendis og þetta var virkilega skemmtileg ferð og
ekki skemmdi fyrir að vera í 20 stiga hita og sólskini.“
Fyrir utan golfið þá hefur Sigurgeir mikinn áhuga á hlaupum og
fótbolta og heldur hann með Breiðabliki og Manchester United.
Hann hefur tvisvar hlaupið maraþon, annars vegar í Stokkhólmi og
hins vegar í Edinborg, og tíu sinnum hálfmaraþon. Hann er í
hlaupahópi í vinnunni og þar eru æfingar öll hádegi. „Ég reyni að
mæta sem oftast á þær en við fjármálastjórinn erum kallaðir „The
Cargo-Kings“.“ Sigurgeir ætlar að vera duglegur í Powerade-
hlaupunum í vetur og hann og konan hans, Hólmfríður Ása Guð-
mundsdóttir, eru skráð til leiks í Kaupmannahafnarmaraþoninu í
maí á næsta ári. Börn þeirra eru Arnar Freyr, Ásdís Birta og
Brynjar Már.
Sigurgeir M. Halldórsson er fertugur í dag
Hjónin Í göngu yfir Fimmvörðuháls í sumar.
Þriggja daga veisla
í tilefni af afmælinu
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Vinkonurnar Sigrún María Péturs-
dóttir og Amalía Árnadóttir söfnuðu
dóti og héldu tombólu við Bónusversl-
unina í Naustahverfi á Akureyri. Þær
söfnuðu 10 þúsund krónum sem þær
styrktu Rauða krossinn með.
Hlutavelta
Í dag, 9. október, eiga hjónin Arn-
dís Ólafsdóttir og Sigurður Th.
Ingvarsson frá Ísafirði, 60 ára
brúðkaupsafmæli. Þau munu fagna
þessum tímamótum með fjölskyld-
unni.
Demantsbrúðkaup
G
uðmundur fæddist á
Húsavík 9.10. 1944 og
ólst þar upp við leik og
störf. Hann var í barna-
og gagnfræðaskóla á
Húsavík og lauk landsprófi og versl-
unarprófi frá Samvinnuskólanum á
Bifröst 1963.
Guðmundur starfaði hjá Kaup-
félagi Þingeyinga á Húsavík 1963-
67, vann við útibú Samvinnubanka
Íslands á Húsavík 1967-77, var úti-
bússtjóri sama banka í Keflavík
1977-80, var alþm. fyrir Framsókn-
arflokkinn í Norðurlandskjördæmi
eystra 1979 -99, heilbrigðis- og
tryggingamálaráðherra 1987-91 og
landbúnaðar- og umhverfisráðherra
1995-99. Hann var framkvæmda-
stjóri Íbúðalánasjóðs 1995-2010 er
hann lét af störfum að eigin ósk.
Guðmundur sat í miðstjórn og
framkvæmdastjórn Framsóknar-
flokksins um árabil, var ritari flokks-
ins 1983-94 og varaformaður 1994-
98, bæjarfulltrúi á Húsavík 1970-77,
forseti bæjarstjórnar 1974-77,
fulltrúi Íslands á þingi Evrópuráðs-
ins 1991-95, sat í samstarfsnefnd um
opinberar framkvæmdir og ráðn-
inganefnd ríkisins 1983-87 og um
ríkisfjármál 1983-87, sat í stjórnar-
nefnd Ríkisspítalanna 1991-95, var
fulltrúi Alþingis í Evrópuráðinu í
Strassborg og sat í fjárveitinga-
nefnd Alþingis og fjárlaganefnd.
Guðmundur hefur starfað í Lions-
hreyfingunni í fjóra áratugi, hefur
átt sæti í stjórn og fulltrúaráði Sól-
heima í Grímsnesi undanfarin ár, sit-
ur í stjórn Hjartaheilla frá 2006 og
er þar stjórnarformaður frá 2007.
Guðmundur Bjarnason, fyrrv. ráðherra – 70 ára
Barnabörnin í bústaðnum Karvel, Gylfi, Ari Karl, Hildur, Guðmundur Viggó, Bríet Reine, Vigdís og Erling.
Hógværi Þingeyingurinn
Göngufélagar úr Alpaferðum Ragnheiður, Jenný, Sveinn, Unnur, Margrét,
Jónas, Jón, afmælisbarnið og Vigdís, Magnús, Jónas og Valgerður.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is