Morgunblaðið - 09.10.2014, Blaðsíða 60

60 FRÉTTIRErlent
MORGUNBLAÐIÐ FIMMTUDAGUR 9. OKTÓBER 2014
París. AFP. | Nora átti sér þann
draum að verða læknir og henni
gekk vel í menntaskóla. En þegar
hún fór frá Frakklandi til að taka
þátt í heilögu stríði í Sýrlandi
komst fjölskylda hennar að því að
hún hafði leikið tveim skjöldum.
Nora er á meðal fleiri en 1.000
franskra ríkisborgara sem hafa
farið til Sýrlands eða Íraks til að
berjast með liðsmönnum „Ríkis ísl-
ams“, samtaka íslamista. Nora er
frá borginni Avignon og var aðeins
15 ára þegar hún fór til Sýrlands í
janúar. Bróðir hennar, Fouad, hóf
þá örvæntingarfulla leit að systur
sinni og komst að því að hún hafði
lifað tvöföldu lífi. Hún var t.a.m.
með tvær Facebook-síður, á ann-
arri þeirra voru færslur hennar
eins og hjá venjulegum unglingum,
en á hinni talaði hún um að hún
vildi „fara til Aleppo til að berjast
með sýrlenskum bræðrum okkar
og systrum“.
Fouad sagði upp starfi sínu til
að leita að systur sinni og fann
hana í Sýrlandi. Hann fór þangað í
apríl og hitti hana í „hálfa klukku-
stund í viðurvist emírsins hennar,
Omars Omsen“, sem mun vera
fransk-senegalskur.
„Hún var í slæmu ástandi,
grennri, andlitið þrútið og gult,“
sagði Fouad. Honum tókst ekki að
telja „emírinn“ á að leyfa stúlkunni
að fara aftur til Frakklands. Áður
hafði hún sagt bróður sínum þegar
hann hringdi í hana að hún vildi
komast heim. „Ég er hérna innan
um hræsnara og hugleysingja sem
beita Sýrlendinga ofbeldi.“
Lögfræðingur Faouds, Guy
Guenoun, segir að stúlkan sé núna
„gísl“ íslamistanna. Hann óttast að
Nora og fleiri ólögráða stúlkur séu
notaðar sem „jómfrúr til að verð-
launa vígamenn“.
„Sorglegt, en þetta er stríð“
David Thomson, blaðamaður og
höfundur bókar um franska ísl-
amista, segir að þeir sem fari til
Sýrlands og Íraks til að berjast
hafi að mörgu leyti ólíkan bak-
grunn. Því fari fjarri að þeir séu
allir ungir og atvinnulausir. Sumir
þeirra séu ungir, aðrir ekki, og
sumir úr dreifbýlinu, aðrir úr
borgum. Um 20% höfðu snúist til
íslamskrar trúar og margir voru í
fastri vinnu. Myriam, tvítug kona
sem stundar laganám, segist
styðja samtök íslamistanna en vilja
búa í Sádi-Arabíu þar sem farið sé
eftir sjaría-lögum. Hún sagði
fréttamanni AFP að þeir sem
kæmust ekki til Sýrlands eða
Íraks til að berjast gætu háð heil-
agt stríð þar sem þeir væru. „Það
verða gerðar árásir í Frakklandi,“
sagði hún, en tók fram að hún vildi
sjálf ekki taka þátt í slíkum árás-
um.
„Það er sorglegt, en þetta er
stríð,“ svaraði hún þegar hún var
spurð hvað henni þætti um það
þegar íslamistarnir tækju vest-
ræna gísla af lífi með því að háls-
höggva þá.
Heimild: Franska ríkisstjórnin
Yfir 1.000 franskir ríkisborgarar hafa farið til Sýrlands og Íraks til að berjast með samtökum íslamista
Fjöldi þeirra
sem berjast nú
Frakkar takast á við íslamista
449 ábendingar hafa borist
yfirvöldum í baráttunni gegn
samtökum íslamistanna
í síma
í tölvupósti
á netinu
um:
69 meinað að fara úr landi
Um 3.000 Evrópubúar
í Sýrlandi og Írak
71 dómsmálFranskir ríkisborgarar í Sýrlandi
- Flestir frönsku íslamistanna eru ungir
- Flestir úr fjölskyldum innflytjenda
- 20% snerust til íslamskrar trúar
- 50% ekki á skrám lögreglu
- Eru frá öllum landshlutum
2012
Jan. 2014
Sept. 2014
30
555
932
580
365
36
Fjöldi þeirra
sem hafa
barist
Fallnir
Hverjir eru þeir?
114 handtökur
78 sæta rannsókn
53 í varðhaldi
22 undir eftirliti dómstóla
frá 1. janúar
87 ekki stöðvaðir á leiðinni
197 konur
107 ungmenni
Löndin sem þeir koma frá:
Frakkland (flestir koma
þaðan), Þýskaland, Danmörk
Bretland, Svíþjóð, Belgía
og Holland
Lék tveim skjöldum og
gekk til liðs við íslamista
 Ríki íslams laðar að sér marga franska ríkisborgara
AFP
Leitar systur sinnar Fouad ræðir við lögfræðing sinn í Avignon.
Félagar í verkalýðssamtökum
standa með gosanef við mynd af
Matteo Renzi, forsætisráðherra
Ítalíu, fyrir leiðtogafund Evrópu-
sambandsins í Mílanó í gær. Boðað
var til fundarins til að ræða aðgerð-
ir til að minnka atvinnuleysi í að-
ildarlöndunum. Atvinnumálin féllu
þó í skuggann af deilu um hvort
breyta ætti reglum um evruna. Á
fundinum sagði Francois Hollande,
forseti Frakklands, að ekki kæmi til
greina að gera frekari ráðstafanir
til að minnka fjárlagahallann í
Frakklandi til samræmis við mark-
mið Evrópusambandsins.
Leiðtogafundur um atvinnumál
AFP
Deilt um fjárlagahalla
Rúmlega 330 manns hafa látið lífið í
átökum í Úkraínu síðan vopnahlé
hófst þar fyrir um mánuði. Þetta
kemur fram í skýrslu Sameinuðu
þjóðanna sem var birt í gær. Sam-
tökin segja jafnframt að ofbeldið í
landinu hafi slæm áhrif á líf fimm
milljóna manna.
Í skýrslunni kemur einnig fram að
áður en samið var um vopnahlé 5.
september hafði uppreisnarmönnum
í Austur-Úkraínu fjölgað töluvert
vegna þess að margir útlendingar
gengu til liðs við þá. Þeirra á meðal
eru rússneskir ríkisborgarar.
Uppreisnarmönnum fjölgaði
„Vopnahlé er mikilvægt til þess að
binda enda á átökin í Austur-
Úkraínu. Ég bið alla sem að málinu
standa að virða vopnahléið og við-
halda því,“ sagði Zeid Ra’ad Al
Hussein, yfir-
maður mannrétt-
inda hjá Samein-
uðu þjóðunum í
yfirlýsingu.
Samkvæmt töl-
um frá Al Huss-
ein hefur 331
dauðsfall verið
tilkynnt frá 6.
september til
mánudagsins var.
Hann tók þó fram að hugsanlega
hefðu einhver dauðsfallanna átt sér
stað áður en vopnahléið hófst en
ekki verið tilkynnt strax.
Tólf manns biðu bana í átökum í
Austur-Úkraínu í fyrradag. Flestir
þeirra voru almennir borgarar.
Alls hafa nær 3.400 manns látið
lífið í átökum í Úkraínu síðustu mán-
uði. audura@mbl.is
Yfir 300 hafa fallið
þrátt fyrir vopnahlé
Særður maður eft-
ir árás í Donetsk.
 Átökin bitna á milljónum manna
Grænn markaður ehf. | Réttarhálsi 2, 110 Reykavík | www.flora.is | Sími 535 8500 | info@flora.is
Verslunareigendur!
Ítalskir pappírspokar í úrvali
Eingöngu
sala til fyrirtækja