Morgunblaðið - 09.10.2014, Blaðsíða 72

AKUREYRI
Jón Agnar Ólason
jonagnar@mbl.is
H
ugmyndin með þessu hóteli var að
leggja áherslu á veturinn,“ segir
Sigrún þegar við tökum tal saman
um hótelið og sérstöðu þess. „Þess
vegna er hér arinn í öndvegi innandyra með
opnum eldi, við leggjum mikið upp úr því að
umhverfið sé allt hið hlý-
legasta þegar inn er komið
og hótelið tekur vel á móti
fólki þegar það kemur. Þá
blasir hér við listaverkið
Skíðamaðurinn eftir Að-
alheiði Eysteinsdóttur og
stærðar ljósmynd sem tek-
in var á Súlutindi árið 1900
af prúðbúnu göngufólki.
Allt hér inni miðar þannig
að því að vekja hugmyndir
um vetur í huga gestanna,
um leið og áhersla er á að gera hótelið vist-
legt og notalegt.“ Sigrún bætir því við að hót-
elið standi mjög hátt og einstaks útsýnis njóti
bæði yfir Eyjafjörðinn og ekki síður uppeftir
til Hlíðarfjalls. „Það er einn helsti kosturinn
við þessa byggingu.“
Hlýleg hönnun í hvívetna
Sigrún segir að markmiðið með hótelinu
hafi verið að auka vetrartraffíkina og góður
árangur hafi náðst í þeim efnum. „Við höfum
fengið til okkar mikið af erlendum ferða-
mönnum, sem meðal annars eru komnir til að
skoða norðurljósin, ekki síst Bandaríkjamenn
og Breta. Nú má segja að einna mest sjarm-
erandi mánuðirnir hjá okkur séu að byrja.“
Veturinn er svo sannarlega tíminn á hótelinu,
það er ljóst.
Hótel í Icelandair Hotels-keðjunni hafa
jafnan til að bera sérstæða og afgerandi inn-
anstokkshönnun sem grípur bæði augað og
vekur hugmyndaflugið. Sigrún segir það
vissulega uppi á teningnum á hótelinu fyrir
norðan líka. „Guðbjörg Magnúsdóttir var inn-
anhúshönnuður hér á hótelinu og útlitið hér
ber ákveðin merki keðjunnar. Hönnunin er
létt og skemmtileg og jarðlitir eru áberandi.
Það er mikið um timbur sem skapar hlýlega
stemningu. Þá er íslenskt í öndvegi og rúm-
teppin á herbergjunum eru íslensk, til dæmis,
og myndir af Súlutindi við ýmis veðurskilyrði
prýða herbergin.“ Sigrún bætir því við að
bækur séu mikið notaðar til skrauts, ekki síst
í matsalnum. Það rímar ágætlega við ramm-
íslenska dægradvöl í svartasta skammdeginu
bókaþjóðin hefur gegnum aldirnar leitað í
góða bók þegar vetrarveður gerast válynd og
ekki um annað að ræða en að láta fara vel um
sig innandyra.
Að sögn Sigrúnar miðar öll starfsemi hót-
elsins að því að skapa gestunum sanna ís-
lenska upplifun, og framangreint útlit hótels-
ins sé þar ekki undanskilið. „Maturinn er
ennfremur stór þáttur í þessu hjá okkur. Hrá-
efnið er mikið til sótt hingað í héraðið og í
eldhúsinu er lögð áhersla á staðbundna mat-
argerð. Þá er sögð á veggjum hótelganganna
sagan af björgunarafrekinu sem unnið var í
kjölfar þess að flugvél Loftleiða, Geysir, brot-
lenti á Bárðarbungu á Vatnajökli árið 1950.
Auk þess erum við að segja frá því stór-
merkilega fyrirbæri sem björgunarsveitirnar
hér á landi eru.“ Sigrún bætir því við að hót-
elið láti ekki staðar numið með fræðslunni
heldur séu björgunarsveitirnar um leið
styrktar því til þeirra renni hluti af innkomu,
til dæmis af svítunni. „Eins geta gestir okkar
látið fé af hendi rakna til að styrkja þær. Það
vekur mikla athygli erlendra gesta.
Íslensk list prýðir ennfremur hótelið og allt
hjálpar þetta til við að gera upplifunina þann-
ig að þetta hótel gæti hvergi verið annars
staðar í veröldinni. Það ber svo sterk sér-
kenni Akureyrar og nágrennis.“
Töfrar Akureyrar
Aðspurð segir Sigrún töfra Akureyrar
einkum felast í fallegu bæjarstæði þar sem
allt er til alls en þó stutt að fara á milli staða.
„Þá er ótrúlega gaman og fallegt að ganga
hér um, ekki síst að vetri til. Sundlaugin hef-
ur mikið aðdráttarafl fyrir gesti okkar og
þeir sem eru þannig staðsettir í húsinu að
geta horft yfir laugina úr herbergi sínu
standast fæstir freistinguna, þegar þeir sjá
gufuna stíga upp. Þeir bara verða að fara og
prófa. Sjálf bendi ég fólki á að fara í Kjarna-
skóg, á Súlur og svo vitanlega í Hlíðarfjall á
veturna. Erlendir ferðamenn eru gríðarlega
spenntir fyrir skíðasvæðinu enda er það mjög
norðarlega í heiminum, staðsett á 65. breidd-
argráðu. Að bregða sér á skíði svo norð-
arlega er eitthvað sem mjög marga langar að
upplifa. Gestir sem eru hér í veðursældinni á
sumrin og sjá skíðaaðstöðuna uppi í fjallinu,
svo skammt frá blíðunni í bænum, verða aftur
á móti forviða,“ segir Sigrún létt í bragði.
Vínótek og „High Tea“
Veitingastaðurinn á hótelinu nefnist Au-
rora og eins og framar greindi leitast mat-
reiðslumeistararnir þar við að nýta staðbund-
in hráefni og elda krásir sem fela í sér
íslenska skírskotun. Sem dæmi þar um er
steikarhlaðborð með villibráðarþema sem
verður boðið upp á í nóvember. En Sigrún
bendir að auki á sérstaklega vinsælan rétt
sem á rætur að rekja út fyrir landsteinana.
„High Tea hefur alveg slegið í gegn hjá okk-
ur og sérstaklega er það vinsælt meðal
heimamanna. Þetta er framsetning að
breskri fyrirmynd þar sem léttar veitingar
eru bornar fram á þriggja hæða bökkum. Á
þeim er bæði brauðmeti og sætir bitar í
bland, og með því drukkið kaffi og te. Það
hefur verið afskaplega vinsælt að koma hing-
að í High Tea.“
Vínótekið, útskýrir Sigrún, er aftur á móti
sjálfsali með léttvín. „Í þessari vél er að finna
allt það léttvín sem við erum með á vínseðl-
inum, átta tegundir rauðvíns og átta af hvít-
víni, og þar er hægt að kaupa sér hvert og eitt
þeirra í glasavís. Hægt er að kaupa sér kort
með inneign upp á 3.000 kr. eða 5.000 kr. og
þaðan í frá hefur hver og einn sína hentisemi.
Hótelbransinn skemmtilegri
Eins og lesendur eflaust muna eftir lét Sig-
rún að sér kveða á vettvangi sveitarstjórn-
armála áður en hún tók við stjórn Icelandair
hótel Akureyri og var um skeið bæjarstjóri á
Akureyri. Þó að víst sé um það að í mörg horn
þarf að líta á hvorum vettvangi fyrir sig eru
þetta óneitanlega ólíkir vinnustaðir. Hvor
skyldi Sigrúnu nú þykja skemmtilegri? Hún
virðist í litlum vafa um það því ekki stendur á
svari. Starf hótelstjórans þykir henni
skemmtilegra.
„Já, veistu það, að ég myndi bara alltaf
velja það starf frekar,“ segir hún kímin. „Það
er mikill munur þarna á, ekki síst þegar kem-
ur að ákvarðanatöku. Í ferðamannabrans-
anum koma sífellt upp atriði sem þarf að
leysa strax, en í pólitíkinni er ákvarðanataka
gríðarlega langt og flókið ferli, sem á sér að
miklu leyti stað á fundum sem taka sinn tíma.
Fyrir minn karakter er þetta alla vega mun
skemmtilegra,“ segir Sigrún Björk Jak-
obsdóttir að endingu.
Hótelið Icelandair hótel Akureyri var sett á laggirnar með fókus á veturinn og fjölgun ferða-
manna yfir þá mánuði ársins en hótelið er vitaskuld vinsæll áfangastaður allt árið um kring.
Útsýni Einn helsti kostur hótelbyggingarinnar er að glæsilegs útsýnis nýtur hvar sem gestir
eru í herbergi. Hér sést yfir bæinn og út á Eyjafjörðinn. Annars staðar sést til skíðasvæðisins.
Sjarmerandi árstími að ganga í garð
 Icelandair hotel Akureyri er staðsett þar sem útsýnis nýtur yfir bæinn, fjörðinn, Hlíðarfjallið og sundlaugina
 Töfrar Akureyrar njóta sín ekki síst þegar vetur er genginn í garð segir hótelstjórinn, Sigrún Jakobsdóttir
Hnossgæti „High Tea“, sem er brauðmeti og
sætir bitar á þremur hæðum, er sívinsælt.
Salurinn Áhersla er lögð á hlýlegt umhverfi innandyra á hótelinu. Jarðlitir og ómálaður viður
skapa notalega stemningu, segir hótelstjórinn. Ljósmyndir frá ýmsum tímum prýða veggina.
Sigrún Björk
Jakobsdóttir