Frjáls verslun - 01.04.2009, Blaðsíða 76

76 F R J Á L S V E R S L U N • 3 . T B L . 2 0 0 9
70 ára
skipst á kveðjum
Við eigum samleið
K
rauphöllin var
stofnuð árið 1985 að
frumkvæði fjármála-
fyrirtækja, Seðla-
bankans og annarra haghafa á
markaði. Í gegnum tíðina hefur
fyrirtækið lagt áherslu á að bjóða
upp á sömu og jafnvel betri
þjónustu við viðskiptavini sína
en gert er á þeim mörkuðum
sem það ber sig saman við.
Þórður Friðjónsson for-
stjóri segir að viðskiptavinir
fyrirtækisins séu aðallega þau
fyrirtæki sem gefi út verðbréf,
en einnig kauphallaraðilar og
svo að sjálfsögðu fjárfestar
þótt samskiptin við þá séu
að miklu leyti með óbeinum
hætti:
„Einnig erum við í samstarfi
við aðra sem hagsmuna eiga að
gæta, svo sem stjórnvöld, fjöl-
miðla, ýmis hagsmunasamtök,
háskóla og fleiri aðila.
Þrátt fyrir að vera yngsta
kauphöllin á Norðurlönd-
unum höfum við lagt áherslu á
að fylgja þeim eftir hvað varðar
gæði, fullkomnustu tækni og
þjónustu. Í því skyni höfum við
lagt áherslu á alþjóðavæðingu
Kauphallarinnar. Árið 2006 var
tekið mikilvægt skref í þróun
verðbréfamarkaðar á Íslandi
þegar við runnum saman við
OMX kauphallarsamstæðuna á
Norðurlöndum. Þetta leiddi til
þess að ári síðar urðum við hluti
af stærstu kauphallarsamstæðu í
heimi, NASDAQ OMX. Fyrir
vikið getum við boðið upp á
bestu umgjörð um kauphallar-
starfsemi sem völ er á í heim-
inum.“

Hvað er framundan hjá
ykkur?
„Við höfum lagt áherslu á að
styrkja alla innviði Kauphall-
arinnar með það að markmiði
að veita þjónustu á við það sem
best gerist annars staðar. Mark-
vissri aðgerðaráætlun hefur verið
hrint í framkvæmd, sem leggur
m.a. áherslu á að kynna mark-
aðinn sem öflugan og góðan
kost fyrir fyrirtæki til að afla sér
fjármagns til framtíðar. Þessi
áætlun og framkvæmd hennar er
unnin í samstarfi við helstu aðila
á markaði, stjórnvöld og aðra
sem hagsmuni hafa að gæta.
Þannig teljum við að við getum
mest lagt af mörkum til end-
urreisnar efnahagslífsins.“

Hvernig gerið þið ykkur
glaðan dag á afmælum
fyrirtækisins?
„Við höfum einu sinni haldið
upp á stórt afmæli með öflugum
hætti þar sem við buðum okkar
viðskiptavinum og velunnurum
til mikillar veislu að Kjarvals-
stöðum, á eins árs afmæli okkar
sem OMX kauphöll. Ann-
ars erum við frekar hógvær í
þessu, setjumst niður starfsfólkið
saman og fáum okkur ljúffenga
köku og kaffi með.“
Er hluti af stærstu
kauphallarsamstæðu í heimi
nasdaq omx kauphöllin á íslandi:
Þórður Friðjónsson, forstjóri NASDAQ OMX kauphallarinnar á Íslandi.
Markmið:
NASDAQ OMX Iceland
vinnur af einurð að því
að byggja upp verðbréfa-
markað á Íslandi með
það fyrir augum að bjóða
atvinnulífinu góðan valkost
til aukins vaxtar sem aftur
leiðir til eflingar efnahags-
lífs landsins.
Stofnár: 1985