Frjáls verslun - 01.04.2009, Blaðsíða 98
98 F R J Á L S V E R S L U N • 3 . T B L . 2 0 0 9
70 ára
skipst á kveðjum
Við eigum samleið
O
stabúðin á Skóla-
vörðustíg er sann-
kölluð sælkerabúð
þar sem fólk fær
ekki aðeins frábæra osta, inn-
lenda og erlenda, heldur líka
aðrar sælkeravörur. Auk þess er
þar opinn hádegisverðarstaður
sem nýtur mikilla vinsælda. Við
þetta bætist að boðið er upp á
veisluþjónustu sem hentar við
öll tækifæri, jafnt uppákomur
innan fjölskyldunnar og fundi
og veisluhöld fyrirtækja.
Þrír hressir náungar stofnuðu
Ostabúðina á Skólavörustíg
um áramótin 1999/2000, þeir
Jóhann Jónsson matreiðslu-
maður, Eggert E. Jóhannsson
feldskeri og Skjöldur Sigurjóns-
son á Ölstofu Kormáks og Skjal-
dar. „Við rákum Ostabúðina
saman í eitt ár en svo keypti ég
þá félaga út úr rekstrinum og hef
rekið búðina einn síðan,“ segir
Jóhann sem lærði matreiðsl-
una á Hótel Holti en fór síðan
til starfa á Lækjarbrekku og í
Iðnó og var í tvö ár á hvorum
stað áður en hann sneri sér að
rekstri Ostabúðarinnar.
veitingastaðurinn vinsæll
„Ostabúðin byrjaði með osta
en síðan þróaði ég hana út í
að verða öfluga sælkerabúð og
bætti við veitingastaðnum árið
2003. Hann er opinn frá kl.
11.30 til 13.30. Við framleiðum
mikið sjálfir af sælkeravörunum
sem hér eru á boðstólum,
reykjum t.d. gæsabringur, búum
til villibráðar- og gæsalifrarpaté,
gröfum ærkjöt og hrossakjöt og
alls konar aðra rétti sem er að
finna í forréttaborðinu okkar.
Ekki má gleyma þeim 10 til 20
þúsund krukkum af sósum og
salatolíum sem við framleiðum
sjálfir og seljum á hverju ári í
búðinni.“
Fyrir þremur og hálfu ári hóf
Jóhann að flytja inn vörur, m.a.
frá Olivers & Co. í Suður-
Frakklandi. Þær hafa notið
mikilla vinsælda og er ein-
vörðungu hægt að kaupa í
Ostabúðinni á Skólavörðustíg.
„Vörurnar frá Olivers & Co.
styrkja búðina mjög mikið og
ekki síður það að nánast 99%
af því sem við seljum fæst ekki
annars staðar á landinu. Það
skilur Ostabúðina algjörlega frá
öðrum svipuðum búðum.“
Veisluþjónusta Ostabúðar-
innar er umfangsmikil þótt
heldur hafi dregið úr við-
skiptum við fyrirtæki eftir að
fallið kom, eins og Jóhann
kemst að orði. „Við vorum
með feikilega mikið af fyrir-
tækjum í föstum viðskiptum
en þeim hefur fækkað þótt
enn séu mörg fyrirtæki sem
sækja þjónustuna til okkar.
En fólk heldur áfram að eiga
afmæli og er með móttökur og
ýmsar uppákomur innan og
utan heimilis. Alltaf er mjög
mikið að gera í maí og júní í
kringum útskriftir mennta- og
háskólanna og í desember eru
það gjafakörfurnar sem við
útbúum með alls konar kræs-
ingum. Þá starfa hér um 20
manns en á öðrum tímum árs
erum við að jafnaði fjögur eða
fimm.
Tíu ára afmælis Ostabúðar-
innar verður minnst um ára-
mótin og er ætlunin að gefa út
uppskriftabók, m.a. með réttum
frá hádegisverðarstað búðar-
innar, sem mikið er spurt um
og margir bíða eftir.
OSTaBÚðin Á SkÓlaVÖrðuSTÍg:
Sælkeraverslun í sérflokki
Markmið:
Að styrkja sælkeramark-
aðinn í Reykjavík og gera
viðskiptavinunum lífið létt-
ara og skemmtilegt.
Stofnár: 2000
Gómsætur hádegisverður á veit-
ingastað Ostabúðarinnar.
Jóhann Jónsson matreiðslumaður.