Frjáls verslun - 01.07.2006, Blaðsíða 23

F R J Á L S V E R S L U N • 7 . T B L . 2 0 0 6 23
FORSÍÐUEFNI
Þ
éttur á velli og þéttur í lund eru ef til vill þau orð sem
lýsa Víglundi Þorsteinssyni best. Hann er þungavigt-
armaður í íslensku atvinnulífi, enda hefur hann lengi
verið í forystu ýmissa samtaka atvinnurekenda. Löng
reynsla hans sem stjórnanda í fyrirtæki í sviptinga-
sömum atvinnuvegi er einnig til þess fallin að orð
hans hafa meira vægi en annarra.
Saga BM-Vallár, fyrirtækisins sem Víglundur stýrir, spannar rétt
sextíu ár og var þeirra tímamóta minnst með glæsilegum óperutón-
leikum, annars vegar á Klambratúni á Menningarnótt í Reykjavík
og hins vegar í Gilinu á Akureyrarvöku „Ég sá þetta fyrir mér sem
tækifæri til að segja takk fyrir okkur, þakka viðskiptavináttu í sex-
tíu ár,“ segir Víglundur þegar við setjumst niður í höfuðstöðvum
fyrirtækisins. Gestgjafinn býður upp á snarpheitt og ilmandi
kaffi og úr fundaherberginu þar sem við sitjum er gott útsýni yfir
Fornalund, skógarlundinn á lóð fyrirtækisins, sem er eins konar
hugmyndabanki garðeigenda. Þar má sjá hellur og steyptar ein-
ingar í hinum margvíslegu útfærslum, en slíkar vörur hafa í seinni
tíð orðið sífellt vinsælli þegar skapa skal fallegan skrúðgarð.
Þegar Víglundur hóf störf hjá BM-Vallá fyrir 45 árum var fyr-
irtækið fyrst og síðast í steypuframleiðslu og var svo lengi vel. Í
fyllingu tímans hefur starfsemin orðið fjölþættari, umsvifameiri
og starfsstöðvar eru víðar. Að sama skapi hafa umsvif Víglundar
sjálfs aukist og í tímans rás hafa honum verið falin ýmis trúnaðar-
störf, svo sem á vettvangi Félags íslenskra iðnrekenda, Vinnuveit-
endasambands Íslands, Lífeyrissjóðs verslunarmanna og er þá fátt
eitt nefnt. Vitna þau störf um að Víglundur er ekki skoðanalaus
maður.
„Vafalaust er ég frekur“
- Þú hefur ætíð sagt skoðanir þínar á íslensku viðskipta-
lífi umbúðalaust og sumir hafa sagt þig frekan. Hefur
aldrei komið þér í koll að tala tæpitungulaust?
„Vafalaust er ég frekur,“ segir Víglundur og hlær. „Ég hef hins
vegar valist til að vera talsmaður í ýmsum samtökum og því fylgir
á stundum að segja fleira en gott þykir. Þetta er ekki bara kjass og
klapp á kinnar. Tala þarf um hlutina eins og þeir eru. Nei, ég hef
ekki fundið fyrir því að þessi hreinskilni hafi komið mér í koll. Hef
aldrei fundið fyrir óþægindum af þeim sökum.“
- Eftir hluthafafund Straums-Burðaráss gagnrýndir þú
mjög fundarstjórnina. Hvaða rangindum var beitt?
„Fundarstjórinn, Pétur Guðmundarson, braut á rétti mínum og
fór jafnframt á svig við 80. grein hlutafélagalaga, sem tryggja á
hluthöfum málfrelsi á hluthafafundi. Fyrirspurnin vék að efni
fundarins, en til hans var efnt vegna deilna milli stórra hluthafa
í Straumi-Burðarási og brottreksturs forstjóra. Það var fyllsta
ástæða til að hluthafar fengju að spyrja stjórnina um málið, en
fundarstjórinn ákvað að höfðu samráði við formanninn, Björgólf
Thor, að meina mér slíkt. Ég mun hins vegar spyrja þessara spurn-
inga bréflega og býst ekki við öðru en að fá svör, hvort sem þau
verða innihaldsmikil eða ekki. Að minnsta kosti á ég ekki von á
öðru en að stjórnarmenn í almenningshlutafélagi svari hluthöfum,
eins og þeim ber skylda til. Skárra væri það nú.“
Víglundur Þorsteinsson hefur verið
þungavigtarmaður í íslensku viðskipta-
lífi um árabil. Hann telur viðskiptalífið
viðkvæmt fyrir gagnrýni – en minnir á
að gagnrýni komi góðu til leiðar. Hann
ræðir hér um BM-Vallá, viðskiptalífið og
óperutónleikana sem fyrirtæki hans hélt
á Menningarnótt og Akureyrarvöku.
ÉG ER VAFALAUST
FREKUR
TEXTI: SIGURÐUR BOGI SÆVARSSON
MYNDIR: GEIR ÓLAFSSON
FV.07.06.indd 23 7.9.2006 12:51:31