Frjáls verslun - 01.07.2006, Blaðsíða 80

80 F R J Á L S V E R S L U N • 7 . T B L . 2 0 0 6
K
Y
N
N
IN
G
HAUSTIÐ ER TÍMINN
Villibráðar- og jólahlaðborð Perlunnar eru nokkuð sem fólk fer að hlakka til að njóta
að ári um leið og það stendur upp
frá borðum, mett og ánægt. Segja má
að bæði sé snúist með og í kringum
gesti Perlunnar. Gólfið snýst, þjónarnir
snúast í kringum gestina og frammi
í eldhúsi snýst allt um það hjá mat-
reiðslumeisturunum að framreiða rétti
sem renna ljúflega niður hvort heldur
með góðum vínum eða einir sér.
Guðni Hrafn Grétarsson veit-
ingastjóri bendir fólki á að hafa hröð
handtök við að panta sér borð í villi-
bráðina, og ekki síður í jólahlaðboðið
því margir panti borð „að sama tíma
að ári“ um leið og staðið er upp frá
borðum. Þegar borð er pantað þarf að miða við að mæta klukkan 19,
20 eða 21 en borðin eru einsetin svo enginn þarf að óttast að verða að
skófla í sig matnum og hlaupa svo. Starfsmenn Perlunnar vilja að gest-
irnir sitji sem lengst og njóti kvöldsins sem allra best.
Í ár verður rýmra um hlaðborðin í Perlunni en verið hefur þar sem
fatahengið hefur verið flutt niður í anddyri hússins. Við þetta hefur
skapast aukið rými og hlaðborðin verða þrjú, forrétta-, aðalrétta- og
loks eftirréttaborð og óþarfi að eyða tímanum í að standa í röð við að
fá sér matinn.
Spænskt vínþema með villibráðinni
Þorleifur Sigurbjörnsson, yfirþjónn og vínþjónn, segir að með villibráð-
inni verði spænskt vínþema og víninnflytjandinn Bakkus býður gestum
upp á vínsmakk frá fimmtudegi til sunndags. Mælt verði með þurru
sérríi, Tio Pepe, sem fordrykk eða með forréttunum og spænsku hvítvíni
og rauðvíni frá Beronia í Rioja með aðalréttunum. Í lokin dreypi menn
á 30 ára gömlu sætu sérríi (Noé) með eftirréttunum.
Villibráð og jólahlaðborð
Elmar Kristjánsson, matreiðslumeistari Perlunnar, segir að á villibráð-
arhlaðborðunum verði yfir 70 réttir, forréttir, aðalréttir og eftirréttir.
Villibráðarsúpan er alltaf borin fram fyrst og hefur svo verið um ára
bil, enda nýtur hún feikilegra vinsælda. Þá koma ótrúlega fjölbreyttir
forréttir, t.d. heiðagæs í ýmsum útfærslum, reyktur áll, lundi og bleikja,
sérinnfluttir sveppi, andalifur, reyktur og grafinn laxinn og paté alls
konar. Meðal aðalrétta verður villikryddaður kálfur, nýslátrað lamb,
hreindýr, önd, gæs og stundum dádýr, ferskt smælki, meðlæti og sósur.
Ostar, ís, ávaxtasalöt og skyrtertur reka svo lestina á eftirréttaborðinu.
Jólahlaðborðið er með hefðbundnum hætti, enda Íslendingar íhalds-
samir á þessu svið eftir að hafa notið jólahlaðborða á annan áratug. Þó
má alltaf sjá eitthvað nýtt. Jólahlaðborðið er í boði alla daga vikunnar
og að sjálfsögðu jafnskemmtileg að njóta veitinganna í miðri viku sem
um helgar.
Villibráðarhlaðborð
Perlunnar hefst
fimmtudaginn
19. október nk. og
í kjölfarið jólahlað-
borðið 23. nóvember.
Nýársfagnaður
Perlunnar,
„galadinner“ með
fimm til sex réttum,
dansiballi, skemmti-
atriðum og flugelda-
sýningu,
er loks öllum
ógleymanlegur
sem notið hafa.
Perlan:
Villibráðar- og jólahlaðborð
Perlunnar sívinsæl
Þorleifur Sigurbjörnsson yfirþjónn og Guðni Hrafn Grétarsson veit-
ingastjóri.
Ari Normandy og Ríkharður Gústafsson við matreiðsluna.